بنات حبيت أعرف منوه حطيت ولدها او بنتها في حضانة
الإمارات الوطنية الخاصة في العين؟ شو كانت تجربتها
وياهم؟ كيف متابعتهم؟ الأنشطة كانت أوكي ولا لا؟؟
مسألة حمام السباحة أنا مخوفتني؟ حسيتوها أمان ولا لا؟
وإذا كانت انطباعاتكم زينة عن المس "مدرسة الفصل" ممكن أسمها؟
لأنه يمكن فصلين بس عندهم، وكلهم أجنبيات بس سمعت انه في وحده
وايد حلوة متابعتها بس ما عرفت اسمها.
أنا عن نفسي لفيت كذا حضانة منهم كيدز فور أس، والكواكب! الكواكب عجبني عندهم نظام
منتسوري، ولكن عدا ذلك ما عجبتني الفصول ولا التنسيق!! وخصوصاً انه في وسط المدرسة
السلم حسيته خطير شوي، لأنه في فصول فوق وفي تحت يعني الطفل لابد ما يستعمل السلم، المبنى عبارة عن فيلا مأجرة، واللعب في الساحة يعتبر لعب خارجي! عندهم امان والمكان صغير
يعني ملموم، والمدرسات والإداريات وايد شكلهن مهتمات . لكنها حضانه نهارية تعتبر
يعني يستقبلون حتى الرضه على عكس الإمارات الوطنية ياخذون تحضير للكي جي!
الإمارات الوطنية عجبني انه مبناهم مجهز يعني في كل فصل في الله يعزكم
دورة مياه مخصصة للأطفال "الحجم الصغير" يعني أأمن وحلو انه في كل فصل
في ناني هي تاخذه وتوديه وترجعه مكانه عجبتني الساحة لأنها داخليه
والسقف زجاج يعني أشعة الشمس مب مباشرة والساحة كبيرة وفي ملاحظة
وقت لعب الأطفال حسب اللي شفته مكثفه وشكلهم النانيات اللي يتابعون
يحبوهن الأطفال لأنهم يلاعبونهم من قلوبهم حسب ما شفت!
ما عجبني حمام السباحة <— ترا وايد خوافه
اخاف على ولدي يطيح محد ينتبه! ومع انه حمام السباحة عنده تدفئة
بس المكان المرور من المسبح لغرفة التبديل في تيار هوا! يمكن
عيالنا يمرضون! ما حبيت غرفة التبديل حسيت انه الكراسي حاده
اطرافها لو زلق واحد من العيال يروح راسه "بسم الله عليكم"
شو بعد!! عجبني وايد الكانتين! وايد حلو يتعلمون اليهال المشاركة
وهو عبارة عن طاولات طووويله وياكلون مع بعض والمدرسين بعد
يقعدون ياكلون وياهم (الله يرحم على ايامنا كنا نتدور اي رصيف او سلم
عشان نقعد عليه وناكل)
هذا هو حبيت انقل لكم رايي و أتريا أرائكم
1 kg بس بصراحه مايسوى يعني الجامعه الخاصه الجااااااامعه مب هالسعر الخيالي للـ
لا وبعد الحضانه بسعر غريب مااعرف اونه شو بيهيؤونهم شلون
والله بعد نحن مب اغبياء ندفع على اي شي وبعدين لو عندهم شي مميز في صفوفهم ممكن نبلعها
لكن حتى عدد الطلاب 22 الى 20 يعني مثلهم مثل اي مدرسه خاصه ثانيه
انا ولدي في الدانات الخاصه داخل المرأه الظبيانيه وماشاء الله عليه حافظ شغلات انا مااعرفها
انجليزي وعربي بس رح انقله لأن ولدي ماانذمج وياهم
لا ويوم قلت لها ماشي خصم اواي شي قالولي اونه بس للضباط والله شي غريب
مهو اللي ضابط بيكون راتبه شي وشويات ماشاء الله يعني عنده قدره يدخل كل عياله عندهم
بس هذي حال الدنيا 
ومستوى النظافه والاهتمام عندهم عالي، بس ما ادري ما طرت على بالي
وبعد ما يقبلون اي احد، كلمينا اكثر عن تجربتج وياهم عشان اللي يدور
يستفيد
مرحبا الغاليه …. انتي مثلي أنا أبغي ادخل ولديه preKG
وأفكر في الإمارات الوطنية رحت لهم لكن كان زحمه
تبين حضانه .. في حضانه يمدحونها وايد اسمها steping stone
أنا سجلت ولدي في الإمارات الوطنيه ونتريا المقابله حالياً يقولون يقابلون
اللي عندهم اخوان في المدرسه لأنه الأولويه لهم.
بس يا ريت اللي حاطه عيالها قبل تكلمنا اكثر عن تجربتها وياهم