مدارس الشراكة ( تعالوا نتجمع هني ) نفيد ونستفيد للطلاب

قبل كل شيء بغيت اقولكم السلام عليكم ورحمة الله وبركاته

في الآونة الأخيرة بتنا نسمع كثيرا عن مدارس الشراكة ،( يعني مجلس التعليم يوفر شركة اجنبية تساعدنا في التعليم وتوفير الاحتياجات المدرسية )
والدولة تصرف عليهم وايد لكن في مدرستي انا ما شفت شيء اتغيير مع ان الشراكة عندنا من بداية العام ،ها منو مدرستهم مثل مدرستي وما هو الشيء الجديد الذي أضفته الشراكة عليك ..

في جعبتي الكثير من الانتقادات لهذا النظام

هلا انا مدارس بناتي شراكة بس من السنة اللي قبل الماضية وكان العام الماضي بادين شوي مب وايد يسوون شي والسنه هاي سوو كتب للانجليزي والعلوم والرياضيات عشان جيه انا وايد متوههقه باوراق العمل وايد ضغطوا على عيالنا بس عيالنا وايد استفادوا من الانجليزي وان شاء الله خير

جزاكي الله خيرا اصبتي

انا اقول لازم نتريا جم سنه قبل ما نحكم ع النظام انه مب زين بس لان الاهل مب فاهمينه ولالزم النقد يكون من المعلمات وانا بصراحه بناتي وحده فالصف الثالث ووحده ف الاول ومستواهم الحمدلله زين وبصراحه اهم شي التأسيس من البدايه اقصد ف الروضه يفهم الطفل اسس العربي والرياضيات

اخ يا قلبي بصراحه مااشجع هالشراااااااااااااكه بموت قهر منهم عيالي فيهاااااااااااا بس من السنه اليايه بنقلهم الود ودي الحين انقلهم قال شراكه قال شي ايي منالاجانب خير

أنا يا خواتي مب ولية أمر أنا معلمة عسب جذي اقولكم ما استفدنا شيء من الشراكة

قبل شهر وزعوا الفصول على المدرسات وخلوا الطالبات يتنقلون أونه هالنظام اسمه ( الفصول المتنقلة ) والحين يبونا نحن المدرسات نجهز صفوفنا نغير الستاير ونصبغها ونحولها لبيئة صفية ويوم قلنالهم نبي ميزانيه قالولنا لا هاي اشياء ما تكلف اصرفوا من عندكم ونحن رواتبنا ما تتعدا 14000 يعني راتب الثانوية في المحلية اكثر عنا بواااايد ..

مب قهر

أنا عيال في التأسيسي وهذه أول سنة لنظام الشراكة طبعاَ أول سنه مايبين شي لأنهم توهم باديين بالشراكة

لكن إن شاء الله السنه الجايه تبين النتيجة

الي موعاجبني في الموضوع هو نظام الصف المتنقل قد يكون مفيد من ناحية التغيير حتى مايملوا الطلاب

ويكون الصف مناسب للمادة الدراسية إلا أنه أحس حرام العيال متشتتين مع أغراضهم مره ا في هالصف ومره في الصف الثاني