محتـــــاجه نصيحتكـــم خواتــي >> الجزء الثانـــي ( الرجاء الدخول ) جمال و اناقة

بسم الله الرحمن الرحيم

كيفكم خواتي ؟عساكم بخير ؟

هذا موضوعي الأساسي

https://forum.uaewomen.net/showthread…8#post26300848

وشوفوا شو صار لي بعد مااخذت بنصايحكم

طبعاً قررت أكنسل كل شي واخلي القاعه بس .. المهم ريلي وافقني 100 % على هالشي

وامس لما كلم أمه (عمتي ) ربي يحفظها ويسامحها .. قعدت تهاوشه وتتنازع اونه نحن بنكسل الدق فالبيت وبنخليه فالقاعه ..( قلت له لو على الدق انا ابد مااعندي مشكله انا اصلا من البدايه كنت ابي دي جي اسلامي بس هم حجزوا فرقه) .. وقعدت كل شوي تطلع بحجه ..
مره تقول له ابوك بيزعل (عمي ) لأن هذا ولد اخوه… ومره لا بس خلها تتحنى وتلبس وتتصور وبس من غير قاعه .. ومره تقول اذا تبي قاعه اتأجل … وتطووووول القائمه

ألحين مب عارفه شسوي … يعني انا لما فكرت فيها حراااام هاي ليلة عمري وانا اوردي كنسلت وايد اشياء بس ليلة العرس نفسها … والله احس لو مشيت على كلامها كل لما اروح عرس بصيح بقول ياليتني سويت عرسي بقاعه وكوشه وحفله .. وعن التأجيل بالصراحه مستبعد تماماً ماأقدر

ساعدوني خواتي .. نفسيتي تعبانه والله

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

مممم شفت من توقيعج باقي شهرين؟

وهو متوفي من فتره شهر حسب الموضوع القديم!

يعني وقت عرسج 3شهور

ليش التاجيل

لاتتنازلين عن شي عقب بتندمين طوووووووووووووووووول عمرج
وريلج بيتلوم فييج

استانسي هذي ليلة عرسج
تلبسي والقاعه وكل شي
بس اذا مايبون دق احسن وكنسلوها افضل عن تكنسلون كل شي

ليلة العمر مابترجع
ولا الميت بيرجع ^^

واذا ع الرمسه سمعي وطنشي
اذا هذا ماكان عذرهم بيطلع موضوع ثاني بتعذرون فيها

بس خذيهم بالهداوه ورمسي ابوج
وفهميه انج متلومه وحتى عمتج وعقب بروحهم بيقولون مانبا لج قصور

والله يوفقج

هذا مجرد رايي لج^^
وفالاخير انتي والي تشوفينه مناسب لج
هذولا اهلج وانتي ادرى فيهم

اعتقد الحي ابقا من الميت يعني توكلي على الله وسوي عرس

يزاكم ربي كل خير … أنا والله ودي ومنى عيني أسوي العرس بس بعد ماودي عمتي تزعل من ريلي او تاخذ بخاطرها ترى مهما كان هاي امه .. ماابيها من الحين تكرهني او شي والله… الواحد مب ناقص ذنوب

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

هذا حق من حقوووقج ليش وين الذنــوب في هالموضوع ..؟؟!!

لا تتخليـــــــن عن ليله العمــــر ,, حتى لو الموضوع فيه زعل للكل ليله العمر تبـــقى ليله وحده في العمـــر .. اشمعنى يختي وقفت عليج انتي !! شـــي ناااس توفوا يداتهم و عرسوا بدون دق عقب ثلاث شهوور !!

و مــا اظن اي حرمه بترضى على بنتها انها ما تسوي عرس !!! حتى لو شوكانت الاسباب

و اسمحيلي حتى عمتج الله يحفظها ما بترضى على بنتها هذا الشي …

اجلي عرسج علشان تعرسين وانتي مرتاحه