ابا منكن مساعده صغيرونه. الصيف ما سافرنا لانه ما كان لريلي اجازه وفي شهر ديسمبر اخطط انسافر. السؤال وين ؟؟؟؟؟؟؟؟؟؟ عندي طفلين اصغرهم عمره ثلاث سنين. فكرت:
انروح يورو ديزني عشان يستانسون العيال بس ما اعرف كيف الجو هل ممطر .gif "12 (91)")
وهل الحديقه مفتوحه؟؟؟
اللي عندهن خبره اتفيدني.
او انروح ماليزيا وبعد ما اعرف كي بيكون الجو؟؟؟
بعد حبيت اعرف فندق سن واي لاجون قريت في المنتدي انه فيه غرف لسنووايت بس في الموقع مش كاتبين عنه….؟؟؟؟؟.gif "12 (27)")
شورو على اختكن.gif "12 (49)")
انا سرت فرنسا و سرت ماليزيا و الصراحه ماشي مجال للمقارنة .. فرنسا احلى بواايد
ماليزيا شهر 12 بيكون فيها امطار وايد لان مناخها استوائي و اعتقد بتكون حاره و موسمها في الصيف
اما فرنسا الجو بيكون بااارد وايد و بتشوفون السنو و بتلعبون في الثلج و احلى شي ان ديزني لاند تكون فااضيه في الشتا و تلعبون على راحتكم .. انا سرت ديزني لاند في الصيف و ما استانست وايد لانها كانت زحمه و طوابير على الألعاب ، يعني حلاتها في الشتا
و اذا تبغين اي مساعدة في السكن او الحجوزات من عيوني .. نحن كنا ساكنين في منتجع قريب من ديزني لاند بس مب داخلها ، منطقه هاديه و راقية و يعتبر المنتجع رخيييص وايد بالنسبه لفنادق باريس و ديزني و حذالنا مول كبيير تقريبا دقيقتين بالسيارة و في المول محطة قطارات و هايبر ماركت كبير و مطاعم واايد و المحلات أسعارها حلوه خصوصاً أيام التنزيلات ، و بعد عند المول آوت ليت ( قرية الماركات المخفضه )
اذا عندكم سيارة توقفونها في باركنات المول ( مجانيه ) و تسيرون ديزني لاند بالقطار أول محطة .. و اذا بتسيرون باريس بعد نفس شي بالقطار تقريباً 20 دقيقة ، و اذا ما عندكم سيارة تركبون الباص جدام الفندق و ينزلكم في محطة المول .. يعني المواصلات كلها متوفره
أي استفسار انا في الخدمة .. ما يردج إلا كيبوردج ^.^
بس دفي عيالج زين
ان شاء الله تستانسون