محتارة وخايفة ساعدوني ابي حلول رعاية الاطفال

السلام عليكم ,, شخباركم

انا ربيعة صاحبة هذا النك وخذيت منها النك علشان احط مشكلتي

عندي مشكلة واحس اني متردده وخايفة ومش عارفة كيف بقرر

بنات عمري 28 سنة قبل سنة ملجت بس ما صار نصيب وفسخنا الخطوبة لان الريال الي خذيته كان وايد اكبرعني و كان متزوج وحرمته سوت له المشاكل وطلقني ,, المهم قبل شهرين انخطبت مرتين بس ما صار شي كان كلام وقبل فترة انخطبت مرتين وكان بس كلام وما صار شي والحين انخطبت من الخامس ,, المهم المشكله انه مش عايش في الامارات ساكن في دولة اجنبية وماخذ الجنسية الاجنبية بس هو اصله خليجي وانا من مواليد الدولة بس خليجية وهو من نفس بلادي,, واهله خطبوني له وحبوني وقالوا كل مواصفاتي له ,, المهم الريال يقولون لي انه وايد اوكي من ناحية الصلاة وقراءة القران جامعي وما يدخن ولا شريب الحمدلله ,, شكله عادي وهو وايد اسمربس مقبول ,, وعمره احتمال 27 او 28 ,, وانا شفت صورته ,, وانا حنطاوية وشكلا يقولون اني حلوة واصلي الحمدلله يعني انا عنده اطلع ملكة جمال وامي قالت لي زين الحرمة لما تظهر احلى عن ريلها ,, والريال قال بيي شهر 6عشان يشوفني ويخطبني رسمي واحتمال اذا وافقت في شهر 8 بيبون المهر والله يعلم متى الزواج لانه محد قالي عادي بعد سنة يكون ,, وانا اخاف اذا وافقت عليه السالفة تطول وايد ,, وتعرفون كم عمري انا مش صغيره عشان يتاخرون ,, قالوا لي انه لو تزوج بياخذج برا الدولة انا قلت مش مشكلة ولكن بعد متردده لان الريال وايد اسمر افكر كيف عيالي بيكونون سمر ولا حنطاويين ,, بنات وايد صرت افكر في هالموضوع وايد وايد و استخرت مرتين بس ما احس بشي ,, ابي حلول منكم ساعدوني دخيلكم ,,
ارفعولي الموضوع ولو بدعوة حلوة منكم ,, والله يجزيكم كل خير

كلميني على الخاص بكلمج

الله يكتبلج الخير
وما خاب من استخار

أبا أعرف شو بتقولين لهاا <<– يا ربي بيجتلني الفضول

الله ايسر للجميع

الغاليه لا تفكرين به الطريقه اسمر ومب اسمر اتذكري قول الرسول (من ترضون دينه وخلقه فزوجوه) اما عيالج كيف بيطلعون محد يعلم الغيب