محتاجة نصيحة .. الزوج والفلوس ! رعاية الاطفال

السلام عليكم

بنات بغيتكم تشورون علي .. انا وريلي نتشغل بس معاشي ضعف معاشه وهو عليه سلف بنك يدفعه + كل مصاريف البيت ..
مصاريفي ومصاريف عيالي انا اغطيهم .. بس المدارس عليه .. عندنا جزء من البيت ينبني ويبا مصاريف وايد وانا متكفلة فيهم ..

المهم الحين وقت السفر وانا متعوده كل سنة اسافر معاه ومع اهله في الصيف .. وتكون المصاريف مشتركه يعني دوم عليه التذاكر والاقامه والشوبينغ علي .. بس هالسنة ما بسافر معاهم لظروف صحية وهو متردد يسافر او لا .. قلت سافر معاهم مو مشكله ( احس من انه يسافر مع ربعه )

المهم قال لي ساعديني في المصاريف لانه ما عنده .. وانا محتارة .. يبي مبلغ كبير تقريبا ثلاثين الف لان حسبنا تكاليف الاقامه والتذكرة والملابس والمصروف .. انا عندي الحمدلله وطبعي مو بخيل بعطيه بس خايفه !! اخاف يستغل هالشي وكله يقعد يطلب .. علما اني قبل ما اشتغل كان ما يقصر علي ويسفرني كل مكان ويشتري لي من الغالي ..

ف قلت له خير ان شاء الله للصيف .. بس المبلغ كبير يمكن نتشارك واعطيك نصه .. بس احسه ما عجبه الكلام وقال لو ما بتعطيني خبريني بقعد ما بسافر ..

مدري وايد محتارة مرات اقول هذا معاشي وتعبي ولي الحق اخليه سند لي او استانس فيه وفي نفس الوقت انا ما اطالبه بمصاريف وشايلة وايد اشياء .. ومرات اقول هو ما يبخل علي في ولا شي واذا طلبت يعطيني على طول ولا يسأل ليش ابا الفلوس .. ليش ما اخليه يتونس ويسافر خصوصا اني اعرف بالضبط وين بيروح ..

شو رايكم بنات ؟؟ من الصبح افكر بهالسالفه ما ابي اجرحه ولا ابي ينقص علي !

عطيه. ريلج فيه الخير ومب مقصر عليج وبروحج قلتي انج قبل ما تشتغلين كان مب مقصر.
لو كان ريال طبعه متعب او ياخذ فلوسج ومقصر عليج بقولج لا تعطينه. لكن ريلج معدنه نظيف ويعطيج. عطيه ولا تخلين الشيطان يدخل بينكم بسبب الفلوس.. الدنيا اخذ وعطا يا اختي.
الله يخليكم لبعض.

انا اشوف انتي ابدا مو مقصرة مع ريلج حتى لو هو بعد يبادلج بالمثل ،، بس انتي الصراحة واايد تصرفين و تعطين من فلوسج مع انه هالأشياء المفروض الريال يتكفل فيهن ،، هو المفروض يحسب حساباته و يدفع ،، الحرمة اللي تشتغل ما اشوف فيها شي انها تساعد ريلها بس بحدووووود ،، و انتي تصرفين ما شاء الله

من رايي لا تعطينه و لا شي ،، لو انتي رايحه معاه بعد بقول ،، بس انه ياخذ تعبج و مبلغ كبير بس عشان وناسته ،،

لو انا ما بعطيه و بتعذر بشي ما يخليه يتحسس منه ،، ومن الحين خبريه عشان ما يعتمد عليج و الصيف قريب ،، المفروض يصرف على نفسه مو من فلوس حرمته عشان وناسته

الدنيا ما يندرى شو مخبية ،، خلي فلوسج سند للأيام ،، سند لج في اشياء تسوى ،، مو عشان الريال يبا ينبسط اعطيه ينبسط بفلوسي

و السموحة

تقولين ريلج مب مقصر وياج ويعطيج وقت ماتبين ولا يسالج ليش

انا لو مكانج بعطيه ماببخل عليه لانه مايبخل علي بو عيالي
انتو ازواج والحياة مشاركة واخذ وعطا

بالتوفيق

مادري اختي انا اشوف انج مب مجبوره تسوين ها كله، يعني مصاريف العيال
المفروض هو يصرف عليهم وانتي عليج المدارس اذا تبينهم يتمون ف مدارس
خاصه لانه اللي اشوفه انه الريال ما تفرق وياه اذا عياله ف مدرسه خاصه ولا
حكوميه خاصه اذا كان واحد مديون ف اذا تبينهم يتمون هناك ادفعي ع مدارسهم بس

اما عن السفره ف دامج ما تقدرين تسافرين خليه يتم وياج وجي توفرون ع عماركم
وبـ هالمبلغ تقدرين تسافرين وياه المره اليايه بروحكم ويا العيال مثلا يوم بيحصلون
اجازه 3 اسابيع

حلوه المشاركه بس مب ف الكماليات وان كان لابد منها ف حلو لو هالشي
يطلع من الحرمه مب الريال يي ويقول لحرمته تعطيه مبلغ وقدره عشان
سفره ، بعيد عن نيه الريال هل هي بحسن نيه ولا استغلال لكن رتبي امورج
واعرفي بالضبط ع شو تصرفين وكيف بدون تدخل الريال ف راتبج ونبهي
ريلج ع هالشي بطريقه غير مباشره كـ مثال نفس ما قلت انج تغيرين رايه
عن السفره ف الصيف وتتعوض بسفره ثانيه تكونين فيها انتي موجوده
وعيالج وهو وتصرفين هالمبلغ ع وناستكم كلكم

مشكلة يوم الريال يعتمد ع الحرمة