فديتكم شوروا علي
شو الي اسويه بشعري عالعيد
هاذي كانت تسريحي عالعيد الي طاااف ,,بس شعري كان مب جذا,,كنت امسوتنه اشقر وخصل بلاتينيه
وهذا شعري الحينه نفس هالتسريحة بالضبط قصيته من شهر ونص تقريباً وصبغته اسود
بس ابا شي يديد 
خلاص لاعت جبدي ,,راعية الصالون قالتلي دامه اسود ,,بس سوي الخصل التحتية بلوون احمر ناري,,عقولتها شرات الديج>_< اختي ما عيبتها الفكرة اتقوول مال اول فشوو الحل احينه؟؟
وحطوا فإعتباااركم انه تقاسيم ويهي نفس الصوورة الثانية من حيث عظمة الخد ,عسب جذا ادور قصة اتناسبني
يلااااا يالذويقااااات اباااا اشووف رااايكم الحينه^^ نتريااااا فزعتكم قبل العيد
مب صعب ، أقصد انه بيتعب شعرج وايد لان احتمال يسوولج سحب لون ..
اما فكرة اللون الاحمر ، هذي كانت فكرة قذافية 
دخيلج لا تتهورين لان اللون الاحمر والاسود مأساة انسانية ..
خلج عالشعرالاسود واذا مول مليتي منه اصبغي بني
و قصي اي قصة تناسبج ..
شرآيج بهآي ؟؟؟
بمآ إن شعرج قصير حلوة هالقصة
أنآ خآطري بهالقصة على فكرة
بس يآيني حمآس اني أطول شعري
ومن قريب قصيت شعري شرآت الطبقآت وبالموس بس على طوله
وبالنسبة للصبغة بمآ إن شعرج أسود سوي خصلآت شقرآ وآيد حلو بيظهر
وهالعيد بعد أفكر أصبغ شعري بس للحينه محتآرة
قبل كنت كله أسوي خصلآت شقرآ والعيد اللي طآف صبغته بني
هالعيد محتآرة ><
هااااي شرات قصتي بالضبط و طالعة حلوة و تقاسيم ويهي شرات تقاسيم الصورة الثانية يعني شراتج ههههههه بس اصبغيه أحسن عشان تبين القصة لأنه يالأسود ما تبين … أنا صبغته بني مايل عالشقار .. انتي و ذووقج هههه سوي اللي يرضيج
بس ابا افكار من زود ,,,مادري اخاف اتهور واقصه ازيد
بس عيبتي سالفة الخصل مرة ثانية
ما توب عن الاشقر انا ماااااتوب >_<