اشحالكن حريم وبنوتات سيدات الإمارآت .*
طول لي باعماركن بما إن الوالد والوالدة ربي يحفظهم ويطول لي بعمرهم يا رب ويرزقهم الصحة والعافية دوووووم مب موجودين ف البيت 
فالأكيد إن الغدآ ع sharjah ويا sharjah شو بتسوين لاخوانج اللي بيردون من دواماتهم ؟؟؟؟
أهآآآآآآ ليش ما أيرب ( أجرب ) يعني ( مجبوس دياي ) ع طريقتي الخاصة ؟؟؟
ولأول مرة !!!
يلا بسم الله الرحمن الرحيم خلونا نبدأ بالمقادير :
بهارات مشكلة : بزار-كركم-فلفل أسود(صحيح)-هيل(صحيح)-قرفة(صحيحة) -بودرة فلفل أحمر-فلفل أحمر مجروش
دياي مقطع أنا سويت فخذين وصدر هههه .*
عيش (أرز)
ملح وماء
طماطم
بصل وثوم
فلفل أخضر حآر
الطريقة :
نبدأ بتسخين الزيت .*
نضيف الدياي قبل البصل .*
نحمر الدياي نص تحمير .*
نضيف البصل + الثوم .*
نقلبهم عدل .*
نضيف البهارات+الفلفل الحآر
نضيف الطماطم
نضيف الماء + الملح
نقلب عدل .*
نخليهم على نآر هادية .*
نتريا ع الدياي لين ما يستوي بس مب وآيد .*
نضيف العيش .*
نخلي الكل يستوي ع نآر هآدية .*
ندخله الفرن ونشغل الفرن من تحت بس لين ما يتسكر العيش(لهجة محلية) .* يعني يتبخر كل المآي عن العيش .*
هنيه وقت التقديم 
الكل استانس عليه وأخوي قالي ما أصدق إنج سويتيه ها مآل مطعم وأخواني الثانيين قالوا حلو بس حآر ضــــــوووو هههه .*
جربوه وخبروني رايكن فيه .*
دعوآتكن حبيباتي
تسلم ايدج يالغلا
الله يحفظ لج اخوانج ^__^
بالعافية عليكم
وطريقتج مثل طريقتي بس انا أحط كزبرة وشبت وروق غار ..يطلع يمي يمي
1000 شكر لكم الغاليات ع مروركن الذوق