ان شاءلله تعجبكم ..
بالاول البهارات : كركم و كمون وكزبره ناعمه مع بهارات الدجاج وفلفل احمروليمون عماني
وعدد 2 ماجي دجاج و عدد 2 معجون طماطم …. ( جزر مبشور و خلطة الكبسه ( اختياري )
ثوم وزنجبيل مبشور
الدجاج بعد التقطيع والتنظيف جيداً
العيش ننظفه ونغسله وننقعه بالماي قبل الطبخ بـ نص ساعه
نقشر البصل ونغسله ونقطعه ونحطه بالجدر ونصب عليه كوبين دهن
ونحط عليه ورق غار ومسمار وهيل وليمون عماني
وعقب مايشقر البصل نحط الدجاج
ونحركه ونخلطه بالمكونات الموجوده فالجدر
ونضيف الثوم والزنجبيل المبشور
ونخلطه ونخليه لحد ما سائل الدجاج يخف يعني ع نار هادئه لمدة ربع ساعه
وعقب نحط البهارات المذكوره اعلاه ونخلط البهارات جيداً ونوطي ع النار
لمده ايضاا ربع ساعه وكل دقيقه نحركه بهدوء حتى لا ننتف الدجاج
يتبع
نحط الجزر المبشور وطبعا اختياري ونخلطه مدة 5 دقايق ومن ثم
نحط معجون الطماطم عليه
وعقب نحط مقدار العيش ماي ونحركه ونحطه لحد ما يغلي
الحين نضيف العيش عليه
ونحركه بهدوء حتى لا ننتف الدجاج وعقب ما ينشف ويبان العيش
نسكر ع الجدر ونحطه ع نار هادئ
عقب ما يستوي ونشوف البخار يعني عقب نص ساعه (( نقرف ))
وبالعافيه .. ان شاءلله عجبتكم وصفتي ..،
جوعتيني ^^
تسلم الأيادي
لو تسمحين قياس الماي كم بالضبط ( بالكوب )..
يعني كل كوب عيش كم يباله كوب ماي..لطبق المجبوس
ومشكووورة حبيبتي..
سلمت يمناج ^^
تسلم إيدج حبوبه