اقدم لكم اليوم غداي مجبوس دجاج وصورته بالتفصيل الممل لعيونكم
ان شاءلله تعجبكم ..
بالاول البهارات : كركم و كمون وكزبره ناعمه مع بهارات الدجاج وفلفل احمر
ثوم وزنجبيل مبشور
الدجاج بعد التقطيع والتنظيف جيداً
العيش ننظفه ونغسله وننقعه بالماي قبل الطبخ بـ نص ساعه
نقشر البصل ونغسله ونقطعه ونحطه بالجدر ونصب عليه كوبين دهن
ونحط عليه ورق غار ومسمار وهيل وليمون عماني
وعقب مايشقر البصل نحط الدجاج
ونحركه ونخلطه بالمكونات الموجوده فالجدر
ونضيف الثوم والزنجبيل المبشور
ونخلطه ونخليه لحد ما سائل الدجاج يخف يعني ع نار هادئه لمدة ربع ساعه
وعقب نحط البهارات المذكوره اعلاه
ونخلط البهارات جيداً ونوطي ع النار لمده ايضاا ربع ساعه وكل دقيقه نحركه
بهدوء حتى لا ننتف الدجاج
يتبع
ونضيف شويه ماء حار عسب الخلط
وعقب نحط مقدار العيش ماي ونحركه ونحطه لحد ما يغلي
الحين نضيف العيش عليه
ونحركه بهدوء حتى لا ننتف الدجاج وعقب ما ينشف ويبان العيش
نسكر ع الجدر ونحطه ع نار هادئ
عقب ما يستوي ونشوف البخار يعني عقب نص ساعه (( نقرف ))
وبالعافيه .. ان شاءلله عجبتكم وصفتي ..،
تسلم ايدج والله
يعطيج الف عافية
شكله روعه
تسلم ايدينج
تسلم ايدج