الحمدلله اقتربنا بفضل الله تعاالى من اللحظاات اللي بنستقبل فيها الصغيرووني ، و التوزيعات
على وشك انها تنتهي اليوم وباجر بالكثير .. دعواتكن لي بالولاده السهله وبالطفل السليم
المعافى التام الصالح 
من فتره في موضوع مشترياات الحوامل حطيت العلب قبل التزيين وعدت انه ارويكن النيجه
والشكل النهائي ، وحميتي في موضوعها بعد وعدتكن بهالشي ونسينا الموضوع
بس مااشاء الله البنات مانسن وطرشن لي ع الخااص يبغن يشوفن ، ولانه صعب عليه اطرش
رسايل خااصه لاكثر من عضوه قلت اختصرها واطرح الموضوع ع العاام ، والعلب كانن نوعين لانه
الكميه مااكفت بس كلهن بنفس اللون والشكل وفي كل كرتون (تولة عود خشب )
طبعا الفكره فكرة امايه الله ايطول في عمرها وايدها ريلي .. قالي الفكره طيبه بس نسير ندور
عود زين وسرنا فعلا وخذنااه اول شي تجربه لنا وكان من المحل ريحته خنينه وادمنا عليه كل
جمعه وبصراحه العود يوم جربناه كان وايد روعه والريحه ماتخوز ف هالشي اللي خلاني ارتااح
للفكره اكثر .. فتوكلت وخذت ..
والسموحه من اللي يبغن يعرفن كم كلفني .. هالشي الوحيد اللي مابقدر اقوله .. سامحوني
بنات
وكنت بفصل شرايط بأسم الصغيروون بس ريلي قال مايبا حد يعرف اسمه الا بعد مايحلق له
ويذبح له
في العجيجه تجوز التسميه فاليوم لاول والثالث بس هو يبا فالساابع .. يعني بعد ماايكمل
اسبوع بنقول للناس ترانا سميناه فلان ، وفي الطلووع انفصل الشرايط ..
حتى مسوين نشيده بأسمه ..
و فكرة ريلي ان النشيده تتأجل و تتوزع في عزايم العقيقه لانه الcd مطبووع عليه اسم
الصغيرووني .. يعني مابخبر حد الا فالساابع حتى انتوا 
الحين ندخل في موضوعناا بخليكن مع الصور وبسم الله نبدأ :
هنيه يبين كيف رتبنا العود
وهنيه واضح التزيين عن قرب
هااي اقرب شوي واوضح
هااي الصوره توضح حجم الكرتون او العلبه
وهنيه العلبه من الامام
ومن الينب و واضح الجيس اللي حطينا فيه العود
صوره جانبيه ثانيه
اللهم اني اسألك حسن الخلق وهون الطلق
ما شااء الله تبارك الرحمان
الله يسهل عليج حبيبتي ويقر عينج بشووفت ضنااااااااج سليم معاافى يارب العالمين
وربي يرزق كل محرووومة
ويسهل علينا الولادة
وعن التوزيعاات ماشااء الله وااايد حلوووه وربي يبارك لكم إن شااء الله
وايد حلوين ماشاء الله … انا الشهر الياي ولادتي ومب عارفة شو اسوي الين احينه …
وين امسويه السيديات والبوكسات … وكم كلفتج .؟
الله يقومج بالسلامه ان شاء الله
ماشاء الله تبارك الرحمن
ربي يسهل عليج ولادتج ان شاء الله وتقومين بالسلامه
ماشاء الله تبارك الرحمن
الله ايقومج بالسلامه ويرزقج بالذريه الصالحه
والتوزيعات لا يعلى عليها والله ايهنيكم ….
ماشاء الله واايد حلوووه التوزيعات
وربي يسهل لج ولادتج واتشوفين الصغيروون بصحه وعافيه
واتقومين انتي بالسلامه بعد
المشاركة الأصلية كتبت بواسطة إماراتية 2024
وايد حلوين ماشاء الله … انا الشهر الياي ولادتي ومب عارفة شو اسوي الين احينه …
وين امسويه السيديات والبوكسات … وكم كلفتج .؟
الله يقومج بالسلامه ان شاء الله
السيديات مسوتنهم فاستديووو الكلام كاتبنه شاعر من هلي والمنشد يابه لنا مدير الاستديو يعني اي استديو يروم يوفر لج منشد
وتكلفة السيديات ع حسب الساعات يعني هم مايحسبوون كم سي دي سويتي يحسبون لج كم
ساعه باتحجزين لتسجيل النشيده عرفتي؟ نحن حجزنا لاستديو 5 ايام
البوكسات شتريتهم جاهزات بس التزيين على محل وماروم اكتب القيمه هنيه لانه وايد مب شوي
والله يوفقج
