خواتي بغيت اسألكن متى انيلس البيبي؟؟ يعني انا بنتي 4 شهور ويقولون لي عادي تيلسينها في حضنج الحينه بس انا احس توه الناس؟؟ صح ولا؟؟
اخاف ايلسها ويأثر هالشي على ظهرها…
حد يخبرني بلييييز
وشي ثاني انا بنتي للحينه ماترفع راسها.. يعني يوم اشلها كله راسها تحت ما اطالع فوق وراسها مش ثابت بعده.. هالشي طبيعي ولا؟؟
بلييييييز طمنوني
أما البنت هيدي عليها بعدها خل تكمل 5 شهور على الاقل وان شاء الله في 6 شهور بتيلس بس انتي حطيها في المشايه…
الله يحفظلج اياها ويرزقج برها وجوفينها عروس………
اصبري عليها بس ابدي عوديعا تيلسينها في حضنج ترا بعدين مابترضى تيلس وبتم اتصيحلج
بالنسبة للرقبه في نهاية الرابع بتصلب رقبتها وإذا عندج حد كبير في السن خليهم يسولج محلب ( عباره عن مسند للرقبه ) يسونه أمهاتنا الصراحه وايد نفع ولدي .
أيلسه
خخخخخخ وطبعا الكل يقولي يتأثر
بس أنا ما أسمع الكلام
وماشالله عليه من لما كان شهر ورقبته مصلوبه ودوم الحين أيلسه في حظني
وبين ريولي وعادي ييلس بس ما أيلسه بروحه
وطبعا هالشي يختلف من طفل لطفل
وبالتوفيق