مرحبا بنات شحالكم 
بغيت استفسر كيف اعرف ان الخياطه التئمت ؟؟ ومتى الخيوط اطيح ؟
وشو هيه اعراض الاتهابات ؟
وكيف تحافظين عالخياطه منها ؟
ومتى يبرى اليرح ؟
انا مربيه من اسبوع ومن يومين وانا اتودن بماي وملح واحس بالم خفيف فالمنطقه هل هالاشي عادي ؟
وعادي تيلسين ولا لازم دوم منسدحه ؟؟
أنا على نهايه الاسبوع بسير لزينب اتشل الخيوط لي …
بنت خالتي اتقول اذا ما انشلن تستوي التهابات ..ويوم كنت مربي بسعيد شليتهن يوم كملت اسبوعين
وعن الماي والملح زين واكيد بتحسين بالم عشان الملح بس انتي مب دايما تتودنين فيه …لا تنسين تحطين ظروف بابونج عشان تسترخين اشوي ..
تقدرين تستخدمين مرهم ميبو اذا فكرتي اتشلين الخيااطه بس انا ما حبيت ريحته قويه
وعن الالتهابات ما اعرف شوه اعرضها بس كل ما تتسبحين استخدمي غسول ونشفي المنطقه وبس
وبالنسبه اذا عادي تيلسن او اتمين طايحه انتي بجر ما عندج غير رشودي حاولي اتمين طايحه اكثر شي اذا عندج حد يسد ولدج ..
همسه: عققتي عن ولدج انا امس عققت ^ ^
المشاركة الأصلية كتبت بواسطة جوليا الأحبابي 
مرحبا بنات شحالكم
هلا جوليا و الحمد لله على سلامتكم،مبارك ما جاكم
بغيت استفسر كيف اعرف ان الخياطه التئمت ؟؟ ومتى الخيوط اطيح ؟
تعرفي انها التئمت بس تطيح الخيوط،و الخيوط تطيح حسب جسم كل وحده،يعني في بنات من 5 أيام و بنات لآخر الأربعين..كثري من أكل البروتين و الألياف تساعد على إلتئام الجرح.
وشو هيه اعراض الاتهابات ؟
الله يبعدها عنك و عنا ان شا الله،الإلتهابات ما تنيم الليل من الحرقه و الحكه و الوجع،و تكون المنطقه منتفخه
وكيف تحافظين عالخياطه منها ؟
بعد كل مره تستخدمي فيها الحمام نشفي المنطقه عدل و استخدمي السشوار على البارد من بعيد
ومتى يبرى اليرح ؟
مثل ما قلت لك قبل على حسب
انا مربيه من اسبوع ومن يومين وانا اتودن بماي وملح واحس بالم خفيف فالمنطقه هل هالاشي عادي ؟
عادي الألم الخفيف حبوبه،و على فكره مو زين تتودنين بماي و ملح،أحسن لك تستخدمي غسول مطهر من الصيدليه.
وعادي تيلسين ولا لازم دوم منسدحه ؟؟
لازم تجلسي حبيبتي و اللا كيف بتتعودي و ترجعي لحياتك الطبيعيه؟بس لا يكلف الله نفساً إلا وسعها،يعني إذا حسيتي بتعب إنسدحي على جنبك..
ان شا الله أكون أفدتك و أي استفسار أنا حاضره،ادعيلي الله يهون طلقي و يعجل ولادتي و يسهلها لي
ومبرووك ما ياج ويتربا بعزكم ان شاء الله
وانا حامل باول بيبي وما اعرف شي مووووول ان شاء الله البنات بيفيدونا
ويتربا في عزكم ان شاء الله
بغيت استفسر كيف اعرف ان الخياطه التئمت ؟؟ ومتى الخيوط اطيح ؟
تلتام يوم تكملين اسبوعين انا من اكمل اسبوعين اسير لزيب عشان اتفج لي الخياطة
وشو هيه اعراض الاتهابات ؟
وكيف تحافظين عالخياطه منها ؟
عليج انج كل ما تسيرين الحمام اتجففين مكان الخياطة وتتودنين بماي وملح وسفلون لونه برتقال ثلاث مرات في اليوم
ومتى يبرى اليرح ؟
يوم بتكملين اسبوعين
انا مربيه من اسبوع ومن يومين وانا اتودن بماي وملح واحس بالم خفيف فالمنطقه هل هالاشي عادي ؟
عادي
وعادي تيلسين ولا لازم دوم منسدحه ؟؟
احسن لج اتكونين منسدحة لان كثرة المشي والحركة يسبب لج التهاب
ام سعيد حياتي ذكرتيني كنت ناسيه
باجر ان شاء الله بعقق