متلعوزة مع بشكارتج لسالفة الموبايل …عندي الحل !!! عمل يدوي

خواتي وايدات من الحريم متلعوزات من سالفة التلفون البشكارة …
تبين تعطين موبايل لبشكارتج بس تبين تحطين ضوابط عشان ما تتلعوزين وياها وتتمنين ان البشكارة ترد على مكالماتج فقط لا غير ….

عندي الحل ………!!!!!!!!!!!!!!!!!!!

اولا تاخذين لها رقم يديد ( مثلا دو لانه رخيص ) ..

وتمسحين الارقام الموجودة في الجهاز او تفتحين عن طريق الاسماء مجموعة يديدة وتضيفين رقمج واسمج عن طريق قائمة الاسماء ..

وبعدين دخلي االاوضاع ( مثلا عام ) ودشي فخانة تنبيه ل واختاري المجموعة اللي حاطة فيه اسمج .

وبعدها اختاري النغمة واختاري مستوى الصوت اعلى ( عشان ما تستهبل وتقول ما سمعت ) .

هذا الجزء الاول وخلصنا ..

احين نروح للقائمة ونختار الادوات , الضبط,الحماية ..الهاتف وبطاقة السيم ..

ثم رمز القفل ,12345

ثم الرقم اللي فبالج اي رقم انت تختارينه وكتبيه عندج عشان ما تتلعوزين وتسبون في الساعة اللي قريتوا فيه هالموضوع ..

وبعدها تكررينه مرة ثانية ..

احين عاد الخطوة الاخيرة …

روحي لزر الاغلاق واختاري في القائمة قفل الهاتف ,,,ثم ادخلي الرقم اللي كان فبالج وطبعا كتبتيه عندج في ورقة او فجهازج …

انتهينا ..

البشكارة بترد على مكالمتج انتي فقط لا غير ..لا بتراسل حد ولا بترد على حد لان الجهاز بيكون فجيبها وبترد اذا سمعت رنين الهاتف …فقط ..

ها شو رايكم طبعا هالحركة جديمة بس مب معروفة لهالدرجة بين الحريم …

انشالله عجبكم الموضوع .. وانا بساعدكم اذا عندكم اي استفسار …