انا متزوجه من 3 سنين وعندي ولد وحامل ف الثاني ف الفتره اﻻخيره احس زوجي وايد ابتعد عني وايد تغيير صار ماييلس وياي وﻻ يطلع وياي روتينه اليومي يسير الدوام الصبح ويرد الظهر يتغدا ويرقد وينش العصر يتم ويه تلفوناته لين المغرب بعدين يطلع مع ربعه لين الساعه 12 يرد البيت ومايحب يطلعني احس خﻻص ﻻعت جبدي من البيت ومن غرفتي انصحوني شو اسوي البارحه طول الليل من كثر. ماكنت متضايجه تميت اصيح بدون صوت لين رقدت وبما ان زوجي خليجي صعب علي ازور هلي بس ف اﻻجازات وخوات ريلي مب وايد. وياهم شرات ريلي مايحبون يسولفون اذا ايلس وياهم كل وحده فيهم تمسك فونها وانا الوحيد بس ايلس اطالعهم حتى صرت مااطلع من غرفتي وايد احس اني. ف سجن بس طول اليوم احبس عمري ف الحجره ما اطلع اﻻ وقت الغدا والعشا
اذا كنتي توج في اول الشهور الحالة اللي انتي فيها طبيعية
الله يعينج وييسر حملج وولادتج
طوري من مهاراتك وهتمي بنفسك رتبي وقتك واشغلي وقت فراغك بذكر وطاعه حاولي تحفظي اجزاء من القران الكريم
يمكن زوجك مل من الروتين اليومي في حياتكم طبع الرجل الخليجي ما يبادر لتغيير فانتي ابدئي بتطوير نفسك وكسر الروتين
ونصيحه زي ما ذكرت الاخت khaleejiya لا تخلين الآخرين نقطة اهتمامك ما بتكسبين لكن اهتمي بنفسج بالتالي الآخرين بيهتمون فيك و اولهم زوجك
كوني مصدر للضوء ولا تعيشين تحت اضواء الغير حتى لو كان زوجك راح تتذوقي وتنعمي بطعم التميز
الله يسهل حملك وولادتك على خير موفقه اخيه
اتمنى لك حياه سعيده