اشحالكم
حبيت اقولكم اني حيل زعلانه الياهل لي ف بطني توفى وانا ما اعرف عنه من الاساس كل ما رحت لطبيبه تقولي انه الياهل بدا يكبر وف الاساس الياهل ما يكبر وعنده قلب بس قلبه ما ينبض
انا حيل متضايقه كنت فرحانه لاني بصير ام واحين انا متضايقه لانه اول ياهل وتوفى ف بطني
حبيت اسالكم شو الاسباب انه الياهل يموت ف بطن الام علما بانه انا ف الشهر الثاني والياهل عندي ميت بدايت الشهر الثاني
رحت لطبيبه وقالت لي اتري اسبوع زياده لو الياهل قلبه ما نبض يعني اكيد هو ميت وحتى لو ما كبر وعقب بيسولي عمليه حبيت اعرف هل عمليه غسيل الرحم تعور ولا وراح احس فيه ولا
صعبه دام اول ياهل
الله يعوووض عليج يارب
والله بصيح
بس امسكي عمرج الغاليه اهم شي نفسيتج احين
انا روحي مب عارفه شو الاسباب
الله يعوضج
انا الحين في نهاية الاول خوفتيني الله يستر كله اوسوس ومن شفت موضوعج خفت اكثر
الله يرزقج ان شاء الله جريب الحمدلله على كل حال
الله يعوضج بغيره يـــآااارب ،،
واهم شي نفسيتج غلايهـ
أنا في حملي الأول صار لي نفسج بالظبط…وتميت شهر كامل ما أعرف أنه وقف نبضة..وتوقف نموه على شهرين
بس أحتسبي الأجر عند الله..وترا الله ما يبتلي عبد إلا لأنه يحبة…,يبا يطهره من الذنوب…وأدعي أنه الله يعوضوج خير
والمستقبل جدامج أن شاء الله…وبأمر الله بتحميلن..نفس أنا ما حملت مره ثانية
بالنسبة للأسباب…قالت لي الدكتورة:
1- في نسبة كبيرة من الحريم في حملهم الأول يوقف نبظ الجنين..لسبب مجهول..بعدين يحملون عادي.
2- مرات يكون الجنين نفسة ضعيف، فما يقدر يعيش..وهذي نعمه أنه الله يستخيرة..بدل ما ايي ولد ضعيف.
3- في شيء يسمونه أجسام مضادة، يعني المناعة عندج كونت أجسام مضادة علشان تهاجم أي جسم غريب، فمرات الجسم يرفض الحمل بسبت هالأجسام…بس هالشيء بعد يروح بالحبوب..وفي حالات ثانية بأبرة..ويكون الحمل طبيعي.
بشكل عام…أن شاء الله عزيزتي بتحملين، والحمل الثاني يكون الجسم مهيأ أكثر..حتى من ناحية حجم الرحم…
بالنسبة لعملة التنظيف مش شرط تسوينها
1- اذا نزلج دم…بيكون بداية الأجهاض وبيعطونج أبرة، وبينزل الجنين طبيعي..وهذا أحسن من العملية..وبيعطونج مسكنات، وبيتم الدم 7 أيام شرات الدورة…
2- اذا ما نزل دم وتم الياهل بعده داخل…ذيج الساع تحتاجين عملية غسيل.
بعد ما يطلع..أنصحج تشربين أشياء حارة علشان بطنج….وبينصحونج أنج ما تحملين لين عقب 3 شهور
علشان الرحم يستعيد قوتة
والحمد لله على كل حال
الله يعوضج ان شاء الله..ان شاء الله
وتحملين بتوام يااااااااارب..يااااااارب…ياااااااارب
وتفرحين فيهم باذن الله سبحانه وتعالى
الله يكون في عونج حبيبتي ويصبرج على ما ابتلاج فيه
قولي الحمدلله على كل حال((الله سبحانه وتعالى يرزق من يشاء بغير حساب))