ما اقدر اتحمل …..ابقي الحل لعشاق السياحة

السلام عليكم خواتي مشكلتى ولدى الصغير عمره 13 سنه مستوي مسخره فى المدرسه شخصيته ضعيفه وايد يرجع كل يوم والقى حد كاتب على الجاكيت ماله او رسم خط فى وجهه يعني ما يمر يوم ما يكون فيه شغله من اسئله من رسم على وجهك يقول ما ادري . من رسم على الجاكيت مالك وكتب كلام موبزين يرد ماادري والله العظيم تعبت معاه وايد وصار معاى ضغط وعلى طول ضغطي مرتفع من الشغلات اللى تصير معاه مع انى مدخلته مدرسه خاصه لانى خايفه عليه بالاخير عرفت ان ولد وافد من الجنسيه ….. اللى اعيالهم مو متربيين هو اللى يسوي جذى فى ولدى والله بقيت اذبح ولدي لما عرفت مو منه من واحد معاه بالصف هو اللى خبرني …..ما ادري شو اسوي تعبت خلاص يمكن يصير فيني شى و السبب شخصية ولدي …… جزاكم الله خير اللى تشور على بحل والله العظيم تعبانه لاني فى غربه وما عندى حد اشوره غيركم ساعدوني

هلا ختيه اولا لازم تيلسين ولدج انتي وابوه وترمسونه انه ما ما يخلي حد يسويبه جي يعني بأسلوب حلو وبعدين سيري المدرسه وخبريهم انه انتي دافعه فلوس ومدخله ولدج عشان يحصل اهتمام هب كل يوم مسويبه شي والله يعينج لنه فتره المراهقه بعد طولي بالج عليه طشونه لنه يمر في مرحله اكيد صعبه بالنسبه له

عقب هالامتحانات انقليه لمدرسة ثانية

وخليه يثبت وجوده هناك ——————— هذا الحل الاول وهو اضعف الحلول

لان في هالمدرسة عيال ************ما بيخلونه الا في حالو وحدة— الحل الثاني — انج تسيرين للولد هذا وترمسينه

وترمسن اهله بعد وترمسين الاخصائي انه يرمس اهل هالولد الوافد انه بيطلعونه من المدرسة اذا استمر في حركاته

وخلي ولدج يقوي عمره وخلوه يعتمد ع عمره

شكلكم مدللينه شوي لانه بجركم بس عطوه فرصة يثبت عمره ويقوي شخصيته

خواتي ام المر وبنوته كفالى والله قعدت وياه انا وابوه وتعبنا بس ما فيه فايده الولد سلبي ومو طايع يتعاون معنا والله مانى عارف اشلون اخليه يقول لى اى اى مشكله تصير معاه فى المدرسه ومشكورين خواتي على ردكم و جزاكم الله خير . والعاليه بنوته الله يرزقك باللى فى بالك و يسر امرك

هذا الموضوع يخص ولدي ومشكلتى اللى اعانى منها فى البيت وما نقلت من اى مكان على اى اساس يكون الموضوع منقول اذا اليوم صارت اكبر مصيبه علشان جذى كتبت المشكله يعني اكون ناقلته من وين ……….كلامي حق اللى كتبت على الموضوع منقول وابقى رد

حبيبتي اول شي زرعي في ولدج عزة النفس واهميتها للانسان …علميه يعتمد ع نفسه مثلا لما تروحين السوق خليه هو اي يحاسب…وبعد مثلا لما تروحين المكتبه عطيه فلوس وخليه هو اللي يختار ويحاسب المحاسب بنفسه…ولا تنسين ان الدور الاكبر يعتمد على ابوه…لازم يطلعه وياه ويخليه يكسر النفس الخجوله والخوف اللي فيه…وانتي لا تنسين دورج انج ادوريين شو سبب الخجل والخوف الي مسيطر عليه يمكن انتو تكونون السبب…وبالنسبه للمعامله اللي يحصلها في المدرسه لازم تروحين للمدرسه وتفهمينهم الموضوع وماتسكتين وتاخذين حق ولدج من اي ولد يتعرض له ….انا لو منج بسير عند الولد اللي مأذي ولدي وبعطيه كم كلمه… ان اذا تعرضت لولدي ياويلك او يبون اهله وتفاهمين وياهم…