ما اعرف انا مكبرة الموضوع بخصوص ريلي ولا شو ! المومة و الطفل

السلام عليكم
انا متزوجة من 4 سنوات تقريبا "ريلي شامي" وريلي من بداية الزواج و هو يساعدني فالبيت ساعات اكون تعبانة هو يساعدني فالتنظيف ما يخلنيي اطبخ ومن هالامور مرة بنت عمه هي كبيرة بالسن ويعتبرها نفس امه كانت ويانا فالبيت رقدت عندنا فهو نش فالليل الساعة 2 جي وانا وهي كنا فالصالة سار المطبخ يبا ياكل انا عرفت هو يبا يطبخ فسوا بيض و يا واكل البيض فالصالة عقب نش قالت هي كيف تخلينه يطبخ وانتي الحرمة و بعد كنتي تبين تخلينه يغسل المواعين "من الله صحن واحد والطاسة " انا قلت عادي نحن نتساعد فالبيت عادي ساعات اسير وراه اساعده ما فيها شي وهو كان ساكت يوم سرنا حجرتنا قلت له ليش سكتت قال سالفة تافهة وبعدين هي مثل امي وما ادري شو …. ومن يومها وهو يقول سوي الغدا الفلاني ولا ابا عالعشا جي و ياكل و ينش سيييييده مرة كنت انظف البيت وشليت الغنفات و الزوالي و سار يتلبس وقال لا تعبين عمرج و روح اذا بنتي صاحت ما شيلها ولا شي و دوم يقول اكل فلانة عجيب "بنت عمته" و طباخها حلو و تربيتها لعيالها تمام و مسيطرة عالبيت حشى !! وانا اقول والله زين بكلمها بشوف كيف تسوي الشروربة الفلانية او بسير بيتها بشوفها كيف تتعامل ويا عيالها اكلمه جد يضحك ما اعرف

الله يسعدكم ان شاء الله ..

بس دام انج متزوجه من خارج جنسج اقصد يعني حتى مب خليجي فأكيد بيكون في حساسيات وايد

بس يظل الحب بين الزوجين وتقدرون تتعدون كل هذا مع بعض ان شاء الله

ولا تتعبين نفسج وايد وتفكرين بأي شي يقوله او يسويه وتصرفي بطبيعيه ..

وربي يسخر لج زوجج ان شاء الله ويهنيكم

صارحيه شو المشكله ؟؟ قولي الي فخاطرج باسلوب حلو ^ـ^

مشكورات فديتكم …. اقول له شيل بنتك شوي على ما اسبح مثلا يقول بسرعة لا تتأخرين … قبل ما كان يقول جي دوم كان يقول والله قلبي يعورني يوم اشوفج تنظفين وانتي ملكة انتي ما يبالج غير تتستتين "يعني اكون ست بيت وبس" وكان اييب لي شغالة فاليوم بس الحين ما اعرف شو موضوعه

اتزوجتي شامي غريبة
بس قولينا كيف جاء وخطباج
كان يشتغل وياج ولا لا؟
سوري انا فضولية ههه

احس انه اتأثر في بنت عمته وتعليقها

قوليله بضحك وحنان حبيربي بلاك تغيرت فجأه
حلاتها حياتنا قبلل متفاهمين

وفههميه ان الزواج مشاركه فلابد انه يساعدج واتساعدينه والأهم محد يدخل بينكم