السلام عليكم ورحمة الله وبركاته
خواتي الحوامل العزيزات
حبيت أنوه على موضوع ماي الياهل أو ماي الراس أو ماي المشيمه يوم ينفتح قبل الولاده أو أثناء الولاده,,
في بعض الحريم وأنا كنت منهن ولله الحمد ينفتح ماي الياهل عندهن قبل الولاده بدقائق أو بربع ساعه أو نص ساعه ..
وفي بعض الحريم مسكينات ينفتح عندهن ماي الياهل قبل بيوم أو قبل الولاده بكذا ساعه وهاذيلا الله يساعدهن ..
وفي بعض الحريم خلال الولاده وعلشان يسرعون الولاده تقولهن السستر أو الدكتوره بفتحلج ماي الياهل علشان تساعد الطفل..
بس ماي الياهل إلي ما تعرفه بعض الحوامل يزيد من حدة ألام الطلق ويصير شبه لا يطاق
من خلال تجربتي لاحظت أن ألام الطلق تقدر الوحده تستحمله,, وكنت أقول كيف يقولون عن ألم الطلق أنه فضيع .. وقبل ولادتي ببنتي بربع ساعه حسيت أن ماي الياهل أنفتح عندي لان راس الياهل كان قريب وايد .. المهم لقيت ألام الربع ساعه هاذي أشد ألم مريت فيه في حياتي كان لايطاق بس من رحمة الله أن ربيت بعد ربع ساعه من الألم .
بالنسبه لاختي قالتلها السستر بفتحلج ماي الراس علشان يسرع خروج الياهل .. ويوم سمعتها قلت حق أختي تحملي بيزيد عليج الويع ,, ويع الطلق بعد ما يفتحون الماي قوي ويمكن تتأخرين.. بس سبحان الله في هاذيج الساعه الوحده تتعلق بقشه بس علشان تخلص وفتحتلها ماي الراس وسبحان الله أشتد عليها الويع وتأخرت في ولادتها بس هب وايد ولله الحمد .
ومن خلال فصول الأمومه سألت السستر عن موضوع ماي الراس ..
فقالتلي .. صحيح تزيد حدة الألم بعد نزول الماي بشكل قوي .. وفي نفس الوقت يدفع الطفل للخارج مثل حالتي ,, بس في حالة إلي يفتحون لهن يمكن الياهل ما يساعد نفسه لانه يكون نايم فاتزيد حدة الألم من دون ما يطلع الطفل .
خواتي
حبيت أتناقش في موضوع ماي الياهل علشان نفيد ونستفيد .. وتجارب كل وحده فينا تختلف عن الثانيه وتجربة كل حمل تختلف عن الحمل إلي قبله ,,
فياريت كل أخت عندها تجربه مع ماي الياهل تفيدنا ..
بس من دون تخويف لان في بعضهن أول مره ونريد أنوعيهن ونساعدهن علشان نخفف من حدة الطلق لا أكثر .
تحياتي لكن خواتي .. وأن شاء الله يكون موضوع في نفع للجميع .
خواتي عندي ملاحظه بسيطه
أريد أعرف حدة الألم هل هو تختلف حدته بعد ما ينفتح الماي عن قبل أو نفسه .
والله زين انج كتبتي عن هالموضوع وهذا ماي الياهل اول مره اسمع عنه 
والحين ادعولي الله يسهل عليه ..
المشاركة الأصلية كتبت بواسطة زوجة المرشدي 
والله زين انج كتبتي عن هالموضوع وهذا ماي الياهل اول مره اسمع عنه
فديتج يازوزو مرحبا الساع مرحبا مليون والله ولايسدن ..
ماي الياهل هو الماي إلي يعيش فيه الياهل في المشيمه .. وأن شاء الله الخوات ايفيدنا من تجاربهن .
بجد أسعدني مرورج ونورتيلي الموضوع يازوزو ..الله يتمملج على خير أن شاء الله .
المشاركة الأصلية كتبت بواسطة بقايا غرامك والحين ادعولي الله يسهل عليه ..
الحمدلله عزيزتي هاي نعمه من الله .. الله يتمملج على خير أن شاء الله .
شاكره لج مشاركتج ومرورج .
نبا مشاركات اكثر عسب نستفيد
على بجري يوم فتحت الماي تميت فترة يعني طولت ف الولاده اما على ولدي الثاني وبنتي الثالثه يوم كانوا يفتحون الماي مااخذ دقيقتين وابتدي اسوي بوش والحمدلله الولادة تسهل والله كريم
وربيت من عقب الطلق الصناعي في غضون ساعتين ما شاء الله ..
=)
الله يسهل عليكم يالحوامل ياااارب ..