حاولت ادخل في اي مجموعه بس بعد لا حماس ولاامل
المختصر ان وزني 88 لكن ملوله امل بسرعه وطاقتي ضعيفه ما استمر على شي اكثر من يومين
وعندي احباط لانه في الاصل وزني قبل الزواج 60 ، حملت اربع مرات وفي كل مره تراكم 5 كيلو واكثر
لا اشعر بأي حماس لاي ريجيم خاصه ان عندي اطفال
وزوجي ما يشجعني ابدا بالعكس وجبة العشا اساسيه عنده
اريد ان اغير من حياتي للافضل
واول شي نزول الوزن لان نفسيتي صراحه تعبت خلاص
شريت جهاز الهز ونزلت 2 كيلو مع تخفيف وصراع وتمارين خفيفه
جربت وصفة الزنجبيل كريم
ووصفة القهوه
ووصفة حبوب الاعشاب
وكلها من المدونة الله يجزي البنات كل الخير
لكن ما في استمراريه
يوم 108 عندي مناسبه بيكون فيها كل اميرات وغزلان ومنيكان العائله وبيكون فيل واحد فقط محبط
هو انا والكل بيحاول يبتسم علشان ما يجرح شعوره
طبعا نزلت السوق وما حصلت اي شي حلو كل المقاسات لازم تكون كبيره ويطلع شكلها موحلو متبهدل من الترهلات
والكرش وال………………….
شو اسوي شو تنصحوني لا تقولو ريجيم انا امل بسرعه
انا ادور شي بس يشجعني يخليني متحمسه
سامحوني طولت عليكم بس والله تعبانه يمكن انتم اخر محاوله لي
هالاحساس لازم تذبحينه..صح كلنا نمل ونطفر بسرعه بس دام انتي عندج مناسبة
وفي خاطرج تكونين راضية عن نفسج ..مب مهم نظره الناس لج المهم انتي تسوين
شي يخليج راضية.. ونحن كلنا هني موجودات وبنشجعج..بس أهم شي تكونين مقتنعه باللي تبين توصلين له مع
شوية همة وإرادة أكيد..ومثل ماتشوفين هالأيام شي وايد طرق تضعف..بس انتي اختاري
اللي يناسبج..يعني تقدرين تخففين من الاكل وتمارسين الرياضة وتشربين شاي أخضر
ولا تتبعين نظام معين بدون ماتخربين لين توصلين للوزن اللي تبينه..وحتى تقدرين تشتركين
في مراكز تكسير الدهون..والله شي وايد طرق حبيبتي بس المهم انتي تغيرين من نفسيتج
وتخلينها دايما مرتفعهـ….ان شاءالله إتكونين أحلى غزال في الحفلة ^_^
الاحباط اساسا مو زين ثانيا انتي سوي الي عليكي و لا تندفعين و را هالشي المناسبه راح تجي و تعدي اكيد بسلام و اجمل ما يكون بالنسبه للوزن و المده الي تكلمين عنها وايد قصيره فلا تتهورين و تسوين اي شي ممكن يضرك كوني عقلانيه و اكل العنب حبه حبه
بالنسبه للملابس و غيرها ما شا الله الامارات مليااااااانه محلات و انتي راح تكونين مثل القمر بالحفله بس اااه احس اني تعبت شلون اوصل المعلومه اقول احنا معاكي على الخط الين يوم الحفله ابد فضفضي بالي تبين
عادي كلي مع ريلج بس خليه يطلبلج شي صحي او انتي ايبي صحنج
وكلي ولا تنسين الرياضة غناتي .. وبالتوفيج
و ابدي اول شي بالتخفيف دامج مب متعودة على الريجيمات وداومي ع الرياضة ع الاقل نص ساعة في اليوم دامج ام وعندج عيال والتزامات لا تضغطين على نفسج حبوبة و لا تحبطين نفسج من البداية لان هالعبارات اللي تقولينها عن نفسج هي اللي تخليج منحبطة و تخلي نفسيتج داوون ومالج خلق تكملين الريجيم … دوم حاولي تشجعين نفسج وتحمسين نفسج وخلج متفائلة وصدقيني كل شي فيج بيتغير …الله يوفقج