العيال نعمة ما يعلم بها
الا المحروم منها
بصراحة انا كنت براحة لما ارعي ولدي
و لما اروح عنده الحين احس بحب و امومة اكثر
بس لما اكون بروحي في البيت مع زوجي
طبعا ما عندنا عيال احس بوحدة و حزن كبير في قلبي
و اتمنى لو ولدي معي عشان اسوي له ريوق او غدا او عشاء
او ارمس معاه او اطلع معاه مكان
الامومة حلوة
ربي يرزق كل وحدة تتمنى العيال
المشاركة الأصلية كتبت بواسطة براءةاطفال 
وليش كف الله الشر الحياة حلوة بعيال ولا بندونهم الحمد الله متزوجة صارلي سنوات وما عندي عيال ولا اتمنى الموت ولا شي عادي هذا عطيت ربي لي بالدنيا يعني ليش اعترض ترى وايد شغلات يقدر الواحد يعيش على شانها غير الاطفال حراام جي تقولين فديتج والله لو رضيتي بالنصيب الله بينزل الرضى والسكينة والقناعه بقلبج وعمرج ما راح تحتري على نفسج بس حطي ايمان بقلبج ان الله يبيلي الزين سلمي امرج لله ترى الي خلاقج قادر ان يرزقج وقادر مثل ما رزقج يحرمج ويهدم كل شي بنيتيه بلحظه
لا تتكلموا كلام يجلب عليكم سخط الله الله يرضى عليكم
انا عشت فترة 6 سنوات بدون عيال …
صح الوحدة منا ما تحسن ان فرحتها اكتملت الا بياهل في حضنها بس بعد الانسان لازم يعرف ان الله سبحانه وتعالى مب كاتبله انه يحصل "كل" شي في الدنيا … وهذا من عدله سبحانه وتعالى … الله يرزقنا باشياء ويحرمنا من اشياء ثانية …
الله سبحانه وتعالى قال في كتابه بما معناه انه المال والبنون زينة الحياة الحياة الدنيا … وبعد قال ان اموالكم واولادكم عدو لكم … فالواحد ما يعرف هالشي اللي يتم يحن ويذبح عمره عليه شو بيكون في النهاية هل هو نعمه ولا نقمة؟!
الحرمة اللي ما يابت عيال تحمد ربها على كل النعم اللي الله رزقها اياها وحرم منها غيرها (كلنا لازم نحمد الله على كل النعم اللي نحن عايشين فيها) وتكثر من الاستغفار وااااااااايد وااااااايد ما تودره الا لصلاة ولا رقاد ولا شي مهم … وتؤمن بكل قلبها وجوارحها انه سبحانه وتعالى اعلم باللي اخير لها ولو العيال فيهم خير لها في الدنيا والآخرة بيرزقها اياهم ….
شي صعب وايد واختبار لفطرة الله خلقها فيج بس بعد اجرها عند الله كبير ….
الله يرزق كل محرمة ويفرح قلبها ويسعدها ويهدي سرها …