حاسه بس كذبت أحساسي بس أنا غلطانه أني أمنت فيهم ولما واجهته قال بتزوجها لانج تحبينها مثل
أختج ابا أتزوج ما أبغي أيب لج عديله غريبه وربيعتي الخاينه غالقه تلفونها لما عرفت اني عرفت
حسبي الله عليها قاعد يقولي هي طيبه ورقيقه وانا شريره وعصبيه بس والله أنا أحلا منها بوايد تدرون
أنا بعدني بالاربعين والله مستحيه أخبر أمي وأبوي وخواتي بيقولون أنتي ألي فضلتيه على ولد عمج
بنات قلبي شاب ضوو منها وأونها حزة الولاده واقفه معاي الحقير والله أكرهاا وأكرهه تدرون بنتي
الصغيره قاعده تصيح وأنا أحس أني غير قلبي تحجر والله أبغي أطلع الشارع وأصارخ وأبغي أقوله
هذي هدية ولادتي بنات لاتقولون أرجعيله وأكسبيه انتو ما سمعتوهم وهم يتكلمون كأنهم متزوجين
ويتقوله عندي الدوره وبطني تعورني وهو يقولها باخذلج دوا ماتحمل أشوفج جذي و و كلام كبير ااااخ
ولا أكني موجوده في حياتهم
هاي ربيعتي الي دخلتها بيتي وكلينا وشربنا مع بعض وياما تكلمنا بليالي وطلعنا وردينا كان يمر في
بالي انها ممكن تحط عينها عليه ولا يحط عينه عليها بس كنت أقول لو هو سوها هي ما بترضى علي
والعكس أتاري الكل يخدعني حسبي الله عليهم دنيا وأخره
سبحان الله تصدقين أنا قطع صداقات وايده وسبب زواجي
لانه في وحده كنت مثل ربيعتي تخيلي شو تقول لي : والله يوم بتربين بالسلامة بيي بزورج في البيت وأبا أشوف ريلج وخاطري أشوفه ولاتخلينه يطلع من البيت ( تخيلي قله أدب وقاحة ومن يومها وأنا ما أكلمها )
أختي سبحان الله ممكن من سوالف ويا ريلج شيطان دخل رأسه وهي حاولت تسيطر على ريلج
بس يأ أختي وين بتسير من رب العالمين
الله يسر أمورج ويحنن قلب ريلج عليج ويبعده عن الغلط وحرام
ذكري ربج وقولي الحمدلله ع كلن
استغفر واتضرعي لله
يمكن ينسـى الموضووع ويرد لج
قومي الليل وادعلي الله حبيبتي
مآلج غير ربج وربنآ
اللهم رد كيدهم في نحرهم يارب العالمين
نصيحتي لج اختي
اولا لا تعبين عمرج وتصيحين على شخص خانج بنتج محتاية لج بيجف حليبج وما بتروومين ترضعينهااا
حبوبة انا اعرف ان ما ايوووز اقووولج تطلقي وبيهبون علية البنات كلهم
بس وجهت نظري في البداااية قوليلة اذا عرست علية ما اباااك
وانتي ما تظهرين من البيت لا الغالية هو الللي يظهر البيت لج ولعيالج وقوليلة هالرمسة بكل ادب
نصيحة لا تعيشين مع ضرة
مهمااا صااار بتمين في عذاااب نفسي انهااا ربيعتج او كانت يوم من الايام
وصدقيني مثل ما خانتج هو بيخونهااا اللي بنى عالغلط مستحيل يستمر
الله يعينج صلي وادعي ربج يخفف همج
بنفجر خلاص
شو هالناس اللي ما تحس َ!!
الله ياخذها ويعلها ما تتهنا في حياتها
فديتج الله يعينج
والله ما اعرف شو اقولج الصراحة
انا لو منج ما برتاح الا اخرب حياتهم باثنيناتهم
الله ينتقم منها
لا تفكرين بالطلاق أبد … فكري في عيالج الغاليه … و في عمرج … إذا تحبين ريلج لا تودرينه لها … لا تساعدينه يروح لها …