ماتخافون ربكم ..؟ المومة و الطفل

السلام عليـكم ورحمـة الله وبركــاته..

كلكم تستغربون من عنوان الموضوع ..بس بالنهاية بتعرفون عن اي فئه اتكلم ..!

سؤال يخص كل بنت او متزوجـة او حتى مطلقه أو لعّابـه ..قبل لا تخونين ثقة أهلج فيج فكرتي باللي خالقنج .. باللي أمر ينفخ فيج الروح وانتي ببطن أمج ..

سؤالي لكل وحدة دمرت بيت .. كان في الماضي بيت عائلة سعيدة ..!

( شو كان شعورج يافلانـه وانتي بهالطريج..ومستانسه فيه) ..وقفتي مرة .. راجعتي نفسج , قلتي نهايتي وين بتكون..؟!

اتقوه وخافوه هو الوحيد القادر على كل شي الذي يأمر وفيقول (كُن فَيكـون) ..

اتوقع الاغلبية عرف عن شو اتكلم ..!
ابي اعرف يوم الوحدة ترمس واحد متزوج وعنده عيال (شو بتستفيد) .؟ تتحرينه بيتزوجج.. ياختي الريال يعاف شي دور مكشوف وانتي دامج ترمسينة بباله انتي رمستي عشرة غيرة لاكن الريال ومهارته يحب يبين للبنت انه يحبها ومايبديها عن غيرها و و و و….(والافلام الهنديه الثانية اللي كلكم عارفينها)لووول نرجع للموضوع ..

انزين بعد ماتكشفه زوجته انه يكلم فلانه شو بيصير … عادي تتصل للبنت وتهزأها او تلعن خير ريلها ×××هههههه طوفوا وياي (من الحماس)

والبنت شو بيكون مستواها …!..اظني هي تعرف بتنحط حالها حال×××××× (اعوذ بالله من شرهن…) وبتنعّت بأسوء العبارات بس عشان الريال يكون بريء بالموضوع ..

نرجع للبنت … بتم تصيح وتدعي وبالاخر مابتحصل الا اكبر طاف ..(انزين ياختي انتي من البداية ليش ماتشغلين نفسج.. ليش حطيتي نفسج بموقف زفت .. ليش يا بنت مافكرتي بعيالـه ..ومرته اللي تترياه وتسهر ع راحته ..شو ذنبهم ..مافكرتي انج بالاخير مالج مكان بحياته غير لعبه .. كيف ترضين يابنت البلاد يا بنت الاكرام اللي اهلج ربوج ع الطيب والكرم والزين تنزلين مستواج وتصيرين لعبه بايد الغير.. ليش ..!
يا بنات الحلال خافوا ربكم واتقوا الله واركعوا ركعتين واحمدوه لفضله واشغلي نفسج باي شي تحبينة وتمسكي فيه (مب ريال قصدي) .. بترتاحين وحطي ببالج محد بينفعج ..غير ربج وامج وابوج ودراستج..) وبييج ان شاء الله ولد الحلال اللي بيسترج ..

#حرام يابنات تدمرون بيوت .. وعيال يتلتهون .. وحرمه تضيع ابسط حقوقها بالراحه ..فكروا فيها ..! ماتخافين بعد ماتعرسين يصير لج نفس الموقف صدقوني شي جدا صعب …القلب يتم ينبض لاكن على كل دقه ينزف ألم ..ودموع من كثرها تقطع الخد ..وقهر يملي القلب لين يعميه ..

( اسمحولـي يا جماعه الخير هاي بعض من مداخلاتي على الاحوال اللي اشوفها واسمعها .. واحسها.. اتمنى منك ردود زينة واللي مب عايبنه كلامي ماله داعي يكتب وشاكرة لكم مروركم .. مقدما ..)

# خواتي : انا لما تكلمت عن الموضوع خصيت فئة البنات اللي يرمسون شباب *متزوجين ويعرفون ومع ذلك مستمرين بخراب البيوت ويطيح هذا كله على الحرمة والعيال … فلو كانت البنت حريصه على رضا ربها واقل شي واضعف الايمان انها تتركــه وهو ما بيغصبها انها اتم وياه الا برضاها ..بعد فترة الريال نفسه بيحس بشي غريب يصير الا وهو ان اي بنت يتعرف عليها ماتبية لانه متزوج ويمكن (والله قادر على كل شي ) ان يردله قوة ايمانه ويصون امانته ويحاول ولو قليل انه يحافظ على بيته ويكفر عن أغلاطــه ..

الريال بطبعه ماكر ومحب التغير والخيانات والمتزوج اكثر ميلاً لهاشي ومرات بس يحط هدف واحد بعقله وهو (اللعب واشباع الغريزة) والكذب والحيله من الاشياء الاحترافية بالنسبة لهم يقولج ماتهتم فيني – ماتلبي حاجتي – ولا مب مهتمة بنفسها (ردي عليه يافلانه انته قعدت وياها وفهمتها مرة حاولت انك تصلح هالشي ليش يافلان ماتفكر بحلالك وتذكرها بشي هي غفلت عنه بالظروف والمشاكل اللي حوالينها) وهالشي يفرح الحرمة لانه يخلي الريال مهتم فيها
..فليش نحن البنات مانكبر ونكبر عقولنا ومانخليها محصورة بشي اسمه ريال.. يعني لو وحده من البنات اللي يكلمون الشباب المتزوجين عرفت غلطها وبدت بالابتعاد ..وكلمت ربيعتها بهالشي وربيعتها اقتنعت وكبروا الموضوع على الاقل يرحمون الحريم والامهات اللي هدفهم المستقبل لعيالهم ..

اللهم لك الحمد ..بنهاية كلامي اتمنى احصل دعوة منكم تريح ضميري وتحفظلي عيالي وتهديلي ريلي ..الحمدالله على كل حال ..
(اللهم اني اعيذ أطفالي وزوجـي بكلماتك التامه ومن كل شيطان وهامه من كل عين لامــه)..

يزاج الله خير الغالية

يزااااج الله خيـ ــ ــــ ــــــــــــر

هالامور كلها تعتمد علة قوة ايمان كل بنت وقوة ايمان الزوج نفسه ..

وانا اقول الحمدلله امرنا بيد ربنا سبحانه ولا بيد اي انسانه ادمر اي بيت الا بامر الله ..

حسبنا الله سيؤتينا الله من فضله انا الى الله راغبون ..

وبالنسبه لهافئه من البنات انا الصراحه غامضيني كيف بيتحملون لهيب نار جهنم الله يعينكم عليها ..

انا مالوم الريال !
الاشيا الا تصير والا نشوفها نحن طبيعي الريال يرمس والخ
بس صدقج البنت شو راح تستفيد ؟!

شاكره لج موضوعج
ويسلموو

لا اله الا الله محمد رسول الله

كله تحطون على الحريم والريال مسكين كبش الفداء وحليليه الضحية الي تشرق به حرمة وتغرب به حرمة والمكر والخبث فينا نحن الحريم
طبعا ما ابرر لاي حرمة ركيضها ورى الريايل بس ليش تحسسون الواحد ان اللوم كله على الحرمة
كل يال يحلل لنفسه ويحرم على حرمته ويسوي الي يبيه ويوم يفكر يزوج يدور له الطاهرة القديسة الي عمرها ما فكرت بطيف ريال غيره
والمجتمع بصفه ومحد بيلومه شو ما سوى وشو ما عمل يظل ريال وشال عيبة وياه
ويظل الريال طول عمره يلعب لان حطينا بعقله انه محد بيعتب عليه ومحد بياكلها غير الحرمة
معنى في شرع الله متساوين في العقوبة
بس نحن سوينا لنا شرع ثاني خلنا كل مصايب الدنيا بسبب حرمة وصدقنا كل الي نقوله
بس لا تظني يا صاحبة الموضوع اني ما اايد كلامج بالعكس كلامج صح % لانه اهو الواقع واهو الي حاصل
وجزاج الله خير على تنبيهج للبنات الي يلعبن ولا يخافن الله. بارك الله فيج وكثر من امثالج