اشحالكن عساكن بخير وسهالة …. قطعت فترة طويلة عن النت يعني انشغلت في امور الدنيا *_*
انا اليوم بخبركم عني … قبل كان وزني 58 او 60 … ومرت الايام وماحافظت على وزني وزاد ووصل
67… في شهر 11 2024 كان عرس اختي ف قررت في شهر 10 2024 اني اسوي المستحيل
وبالفعل مع الإرادة والتصميم نزل وزني ……………… وكان ذلك من خلال تسجيلي في الجيم اللي في
تقنية البنات … ورجيم ، ومشي على حديقة الصفا هههههههههههه هلاك صح ..
والحين هالفترة فجأة وزني وصل 70 كيلو جرام ….. 
بصراحة الغلطة غلطتي
شهيتي مفتوحة عالاكل بشكل فظيع … وماقدر اصبر كل شوي ابا اكل صرت احب الاكل بشكل فظيع جدا
من اسبوع كنت لابسة عباتي وحسيتبها ظيجة شوي وطلعت المول شفت وحدة متينة لابسة عباه
استغفر الله كان شكلها مش حلووو ابدا ابدا وسرت محل مانجووو وشفت عمري في المنظرة قلت
اكيد الناس اتشوفني مثل هالبنت انا جي استويت …………. !!!!!!!!
وقررت وعزمت ابدأ من الصفر لين ما يوصل وزني 58 او 56 مستعدة وبإرادة قوية جدا جدا
1- باجر بسير كلية تقنية البنات وبسجل في الجيم عندهم لمدة شهر تقريبا سعرهم وايد حلو ومناسب
ب 400 درهم الصالة والايروبك والسباحة …. يعني ممتاز السعر مادر اذا زادو او لا ….
2- من يوم الاحد بسوي جدول وبكتب فيه ( ماي ، حلويات ، عيش ، مشروبات غازية ، رياضة )
يعني الاشياء اللي ماستغنى عنها ابدا والاشياء المفيدة وبحاول كل يوم اسوي تك صح على هالاشياء
يعني يوم السبت … اذا كلت ككاو اكتب خطأ واذا ماكلت اكتب صح احس هالشي بيشجعني وبيخليني
احاسب على نفسي واتابع نفسي في اي يوم اتهورت زيادة عن اللزوم ههههههههههه وبعلقها على باب حجرتي
3- انا من اسبوعين اسير المغرب امشي عالصفا وبصراحة احس جسمي يعرق من الخاااااطر وارد
البيت اخذلي شور بارد وارقد واحس براحة راحة راحة عجيبة والله واحس جسمي خفيف
اعتقد انه هالشي بيفيديني وخاصة نحن في فصل الصيف يعني صدق فرصة
بنات يالله اتشجعو وسجلو وياي في جيم كلية التقنية ….. بنشجع بعضنا … انا امقررة اسير كل يوم
بعد الدوام يعني من الساعة 3 للساعة 6 لا شغل ولا مشغلة المكان نظيف وحلو ووناسة
وعندي وايد اختيارات
1- الجيم الاجهزة اذا مليت عندي
2- الايروبك …. وبعد اذا حسيت بالملل
3- سباحة …. واذا صدق طفرت
4- عندهم صالون بسوي بديكير منيكير هههههههههه
5- عندهم حمام مغربي وسبا …
6- شي صالة اسكواااش وصالة باسكت بول
7- عندهم ملاعب خارجية تنس وكورة قدم
اعتقد اني مابطلع عنهم بتم للفليل اول شي بوفر فلوسي بدال الهياته اللي مالها معنى
وبكسب جسم حلو وقوام رشيق اللي اعتقد كل وحدة فينا تتمناااااه خلال فترة قريبة
بقضي وقت ممتع ووناسة واشياء مفيدة خاصة في الصيف وين الواحد بيسير مثلا !؟!؟
وبنسوي صداقات حلوة لان المكان فيه وايد بنات ايييونه … وغير هذا انا كنت قبل طالبة في الكلية
ياللـــــــــــــــه بنات لازم نتشجع انا ببدأ البروجرام من يوم الأحد وان شاء الله خير ….
بس لازم نتعب علشان نرتاح عقب يعني لين متى بنتم جي انقول مانروم ومانروم
اللي متزوجة ماتفكر ان ريلها بيشوف غيرها .؟؟؟ واللي مالجة او مخطوبة مش فخاطرها اتكون
حلوة وجميلة في نظر ريلها … واللي مقبلة على زواج مش فخاطرها تبهر العالم في هالليلة ؟!؟!؟
بنات المتن مرض في مرض في مرض ( سكر ، ضغط ، كلسترول ، جلطات ، …….. الخ ) الله يبعد عنكن المرض
فكرو صدقوني كل بنت مثلي اكيد قلبها يتقطع يوم تطلع واتشوف بنات بأجسام رشيقة ويلبسن احلى
لبس … حتى لو اللبس مش حلو الجسم يحليه ……….. صح كلامي ولا لأ …؟؟؟؟؟؟؟؟
مش معنى كلامي نحرم نفسنا من الاكل بالعكس ناكل كل شي بس لازم نحرق الاكل نتحرك وانسوي رياضة
هذا الكلام نابع من القلب صدقوني … حسيت بإنهيار فظيع في الاونه الاخيرة … وهالمرة الاصرار موجود
وصدق كان فيني ضيقة والحمدلله ارادتي قوية هالمرة
وامشي على جهاز المشي ساعة باليووم مع نص ساعة ايروبيك
مع رجيم من الدكتور في الكوويت اذا تبونه بنقله لكم لان صدق ررررروعة
يالله شدي الحيل قلبي وانا معاااج وان شاء الله ننزل الوزن الي نبيه وبارادتنا
المشاركة الأصلية كتبت بواسطة دلوعة أمها 
وصدق كان فيني ضيقة والحمدلله ارادتي قوية هالمرة
وامشي على جهاز المشي ساعة باليووم مع نص ساعة ايروبيك
مع رجيم من الدكتور في الكوويت اذا تبونه بنقله لكم لان صدق ررررروعة
يالله شدي الحيل قلبي وانا معاااج وان شاء الله ننزل الوزن الي نبيه وبارادتنا
هلا الغاليه
ممكن تنزلين الريجيم يمكن يفيدني اذا ماعليييج امر
سبحان الله موضوعج يا في وقته ،من اسبوع و انا افكر اسجل في التقنيه لاني جربتهم السنه الي طافت و استانست وياهم، و مع موضوعج اتشجعت اكثر،ان شاء الله الاسبوع الياي يوم الاربعا ببتدي عندهم لاني مشغوله شوي هاي الايام .