مابعد الولاده لصحتك

السلام عليكم

انا الحينه حامل في اخر شهر 8 وابا استفيد من خبراااتكم مابعد الولاده يعني شو استعمل مشد ومتى استخدمه وهل اخلي حد يسوي مسااج لين وانا في الاربعين انا مااعرف وايد عن هاي سوالف فالي عندها خبره تقولناا شو تسوي حق عمرها في الاربعين عشااان كلنا نستفيد

وابا اسأل عن المشد الاندونيسي يصير استخدمه بعد الولاده ؟
يصير ادخل النادي واسوي رياضه وانا في الاربعين ولا ؟؟

انا بعد ابا اعرف ؟؟
ان شااء الله حد يرد

طبعا بعد الولاده الطبيعيه اتسوين مساج و بعد الاربعين
اتحطين المشد الاندونيسي واذا عندج بشكاره اندونيسيه
خليها اتحطلج اياه بس الصراحه انا وايد نفعني المساج
شد من جسمي لاني خليتها اتسويلي 13 جلسه..

الغاليه انا استعملت المشد من اول ماربيت لين ضهرت من الاربعين

والمساج ماجد سويت بس ه المره بسوي لنه لكل يمدحه بس اهم شي ماسوين الا عند خبيره

زين والله فدتونا الله يفيدكم…. أنا بعد على آخر الثامن وكنت أحاتي سالفة المشد وإرجاع الجسم مثل ماكان…. مشكوريييييييييييييييييييييييين حبيباتي

تسلمووووون خواتي
بس حد يعرف وحده تسوي مسااج في بوظبي ؟

على حسب ما سمعت انه يستخدم بعد عشرة ايام من الولاده وتشيلينه اذا بغيتي تنامين او تاكلين واهم شي تلبسينه وانتي جايعه وبعد ناس تقول تلبسينه وانتي منسدحه
ولا ندري ون الصدق