ماء الجنين قليل !!! لسلامتك

مرحبااااااااااا صديقاتي

بغيت استفسر شو الحل لما يقولون انه الماي حوالين البيبي شوي؟ شو لازم اسوي عشان يزيد …يريد نستفيد من بعض في هالموضوع

مرة شفت موضوع ثاني مثل موضوعج
واظن وحدة من العضوات قالت ان الحل شرب كمية كبيرة من الماء
وحدة قالت شربت ماي زمزم وتشافت وزاد الماي

هلا خواتي الحوامل .. أنا بآخر السابع ..من أسبوع راجعت عند الدكتورة و قالت لي أن الماي قليل زيغتني .. بعدها بيومين رحت لدكتورة ثانية و قالت نفس الكلام بس طمنتني ووصتني بالراحة والتغذية السليمة ( كلي فواكه و خضرة ) وحبوب الحديد .. والله ييسر عليج أختي .. وسمعت عن ماي زمزم مفيد ولاتنسي الدعاء يوم تشربيه ( اللهم أني أسألك علما نافعا ورزقا واسعا وشفاء من كل داء وسقم ) ولا تنسينا من دعواتج

انا بولدي الثاني، رحت الكورنيش سويت فحوصات وقالولي الماي مخلص او شبة منتهي لازم تسوين طلق

رحت مستشفيات ثانية قالو لي لا عادي

رجعت للكورنيش وصراحة انا اثق فيهم ، وتاكدت صدق ان ماي الجنين بدا يخف سويت طلق صناعي ع اليوم الثاني والحمد لله هذا ولدي بالف خير وعافية

بس ما اعتقد شئ يزيد الماي حسب تجربتي والله

ممممممممممممممممممممم انزين انا الدكتوره قالتلي انه الماي قليل بس انا تراني في الثامن وقالتلي اونه طيحي كله على ينبج !!!! باجر بشرب ماي زمزم ان شاء الله خير

اختي امواج ..انزين يانتي يمكن كنتي في التاسع عشان جذي سوولج طلق والا ؟؟؟؟

جان اخاف !!!!!!!!!!!!!!

انا عندي اثنين وهذا الثالث ومرت بنفس المشكله في كل حمل
الماي يكون اشوي عالبيبي ويبدا عندي من الشهر السادس ويقل
ورحت اكثر من مكان يقولون مافي شي يزيد الماي والحمدالله اربي في موعدي مع انهم يقولون لي بيكون عندج ولاده مبكره لان الماي اشوي

توكلي على الله وانشاء الله تربين في موعدج

انا صارلي هالشي وخوفوني وايييد اختي ونصحوني بالراحة والتغذية السليمة وان اشرب ماي وايييد وحليب بارد..وبعد احتي قمت اشرب ماي مقراي فيه قران والحمدلله الذي قال((وفيه شفاء للناس))
الحين انا الحمدلله بخير وعافية والماي الحمدلله وايد اوكيه…دعواتج لي لاني ايامي جربت..