السلام عليكم ورحمة الله وبركاته
أما بعد…
حبيت اشارككم صوري ام الريزليوشن التعبان
لكنها عالاقل بتعطيكم فكرة عن الجو في فندق ارماني العجيب
ARMANI Hotel
اول شي سرنا سوينا جيك إن الساعة 5 بس المفروض يكون 3
وعقب تمينا نحوط فدبي مول شوي وعقب تعبنا وردينا فليل
اول ما وصلنا الدور مالنا وطبعا شي واحد طول الوقت مرافقنا ويشرحلنا عن كل شي, غير استقبالهم الحلو ماشالله جروب كبير يكون برع بس للترحيب, مع انهم مب عرب بس مرحبانيين
هذي صورة الطاولة اللي بالضبط في منتصف البرج ومنها تمتد ثلاث كوريدورات (ممرات ) الغرف تكون على امتدادها
هذا شكل الكوريدور , وايد يخوف …. صدق من قال الفنون جنون
المميز فيه (وانا ماشوفها ميزة) انه الابواب ماتكون فيها قبضات
يعني لازم تعرفون رقم غرفتكم
هذي الصالة اول ماتدخلين ومجابلنج كلشي مخفي بلسلايدات
اللي كان يشرحلنا كان يقول انه مستر جورج ارماني يحب انه يكون الشي مخفي شرات الممر
اول ماتدشون تشوفون كلشي مخفي بهالطريقة
عقب تبطلون الابواب بطريقة السلايدينج
وحتى غرفة النوم ما كنا نعرف وينها
كانت عالطرف وبابها سلايد ينسحب
التلفزيون وحذاله الكوفي مشين عجيب وايد حبيته + الميني بار
غرفة النوم وبداخلها الحمام وفيه حمام برع فالصالة
الحمام عادي , مافي شي سبيشل بس حبيت فكرة السويرز, المقابض كلها مربعات
سوري ع الصور التعبانة , لاني نسيت كاميرتي
كم سعر الليلة؟
والصورة حلوة يبالنا نسيررررله خآآآصه ان قريب من مول دبي
1 أخاف من المرتفعات 
2 طول الوقت بتسيطر علي فكرة وحدة : شو بأسويلو شبت حريجة ؟ (عافانا الله على التفكير 
)
ورغم ان ريسوليوشن الصور نص نص إلا ان زاوية التقاط الصور وايد حلوة 
على فكرة أنا وايد أحب فكرة ان الأشيا تكون مدسوسة
لسبب واحد (أسهل في التنظيف عشان ما يتيمع الغبار )
لكن ما أحبذها في الفنادق.
حبيت الفابريك مال الصوفا
وفكرة ان ثيم الحمام يكون مربعات : من كمن يوم غيرت حمام بنتي وسويت لها نفس الثيم
وايد حلو طلع .
كان ودي أشوف صور زيادة
انا احب الاجواء الهاديه واحب كل شي يكون مخفي
داخل السدات والكبت وغيره
مب صندقه