يا خواتي أنا ما عارضت البنت يلي تكتب مشكلتها ..بالعكس هذا مدونة مفتوح عسب نساعد ونحل مشاكلنا ونواسي ونطيب خواطر بعض ونقدم مشورتنا لكل محتاجه ..وهذا القسم من الاقسام المحببه لي ..عسب افيد اخواتي واستفيد من غيري ..
لكن اعتراضي لصاحبة الموضوع ..هو طريقة عرضها للموضوع …وهي إن ريل أربيعتها مصر ومعاند انه يبغي يدخل على زوجته من اول ليله ..وربيعتها تبغي المساعده من البنات ..
يا خواتي ..لكل موضوع له حدود في المناقشه ..والحرمه الرزينه ما تذكر الرمسه الجنسيه بينها وبين ريلها ..وخاصة فيما يتعلق بهذي الامور ..
وانا لاحظت والجميع لاحظ ..كثرة المواضيع عن ليلة الدخله ..مو مشكله إذا كانت المواضيع كيف طريقة التعامل مع الزوج عسب أنه أول ليلة زواج ..أو البنت تطلب مشورة النظافه أو اللبس ..لكن توصل لدرجة ان ريلها مصر يدخل عليها اول ليله وتطلب المساعده ..هذا كلام غلط …
يا خواتي ..نحن مرينا بهذي التجربه ..وهي ليلة الدخله ..لكن والله نستحي نرمس عن هذي السالفه ..يدام حد ..وحتي اقرب الناس إلنا ..وإذا حد طرى الموضوع يدامنا ..وإن هالشي بيصير فينا..والله كنا ننتفض ونرتعش..ونستحي ونقاطر عرق.. لانها متعلقه بالذات فينا ..ونحن اساس الموضوع ..وكان الخوف والارتباك فينا ..جيف منمر بهذي التجربه ..حتي والله امهاتنا واخواتنا ..يستحن يرمسن عن موضوع الدخله …إلا بحدود وبامور سطحيه ..ولكن نصائح النظافه واللبس وطريقة معاملة الزوج في اول يوم في الدخله والايام الاخرى ..ما عليها حرج ..
فاتمنى يا خواتي ..إن نعرض مشاكنا وأمور وعلاقاتنا الزوجيه ..عسب النصح والارشاد ..والاستفاده من تجارب الاخرين ..ولكن بحدود الدين ..دون المساس بالامور الشخصيه البحته …
ولا ننسى خواتي ..إن المدونة يدخله شباب ..وعندنا بنات صغار دون سن الزواج ..
واخيرا ..السموحه من الجمييييييييييييييييع
بس لا حياة لمن تنادي..
مشكوره ع الموضوع ويعطيج العافيه
انا قريت الموضوع واستحيت والله ,,,
بجذيه هي تبين فكره عن زوجها مب حلوه وحتى عنها انها مش مؤهله للزواج ,, الصراااحه وبدون زعل
حلاته الشي بينكم ,,
والوحدة المفروض الي يستوي بينها وبين ريلها فالعلاقة الخاصة يتم امبينهم ,, وايد منا ما سألنا ولا شي ,, والامور تيسرت ولله الحمد
هذي اسرار زوجية والاولى انها تم اســـــــرار
والله انه في بنات مايعرفون شي عن هالموضوع
لكن طبعاا الوحده تثقف نفسها بقراية الكتب وتسمع من هنه ومن هنه وتستفيد لكن نفس ماقلتو بحدود طبعااا
بس ترى في امهات ابدن ابدن مايرمسون بناتهم اذا انتو اهلكم علموكم او حتى نصحوكم ترى في اهالي ولامفتكرين وحراام هالبنت اتم اتحاتي من جذه يلجئون للنت وهالمصادر
طبعا مش الكل لانه اعرف انه في واايدات بس يحبون ينبشون المواضيع
بس انا اتكلم عن فئه معينه
والله يوفق الجميع