`•.¸¸.•´´¯`••._.• (البارت1) `•.¸¸.•´´¯`••._.•
(بعد مرور 5شهور على ملجة سعيد وميثه……)
اتقدم راشد لخطبة نوره ووافقت وتمت الخطبه واتحددت يوم الملجه.
اليوم الجمعه الساعه 4 العصر
(يدق تيلفون ام حمد فالصاله)
ام حمد:الوووو.
موزه:الوو هلا ام حمد,شحالج؟
ام حمد:بخير وعافيه فديتج,انتي شحالج؟وشحال عيالج؟
موزه:بخير دامج بخير الغاليه,بمر عليج حبيبتي بعد صلاة المغرب انا وام غانم.
ام حمد:حياكم الله حبيبتي,البيت بيتكم.
(سكرت ام حمد من التيلفوون وعيون البنات عليها)
نوره:اماايه منوو متصل؟
ام حمد:وليش اللقافه يعني؟؟!
نوره:مادري سمعت ان حد بيينا.
ام حمد:هيه موزه ام حميد وسميه ام غانم.
نوره:ايوااا.
ام حمد:يالله نشن البسن انتي واختج ووحده منكن اتنش اتسوي دخوون.
عليا:اففف انا اذاكر بصرااحه مب متفيجه,قولي لنوره.
ام حمد:عن المصاخه ووحده منكن اتنش اتسوي دخون,الحريم بيون بعد صلاة المغرب.
نوره:يعني اونج عااد اتذاكرين وحاطه التيلفون ع اذنج وتسولفين ويا هالفطووم اللي مابتخلص سوالفها.
عليا:اتريي بس دقايق,نوره يعني توني يالسه انا وانتي من الصبح منثبره اتطالعين هالتلفزيون مابيستويبج شي ان نشيتي وسويتي دخون.
نوره:بس هاللي فالحه فيه.
(صوب حمد وغاليه):
حمد:غاليه يالله حبيبتي نشي بسج ارقاد,لعوزتيني من رقادج الزايد هذا,تعالي بنسير المول شوي بنحاوط ونلعب اليهال.
غاليه:حمد خلني ارقد,احس بتعب وماروم انش من الويع.
حمد:بسم الله عليج,اوديج المستشفى؟
غاليه:لا,ببلعلي بندول ولابروفين ولاشي يخفف عليه.
حمد:لاا,نشي البسي الحينه وخالنسير المستشفى.
غاليه:لااا والله مب رايمه انش.
حمد:غاليه بسير اشغل السياره وبرجع اشووفج لابسه.
غاليه:وعمر وخوله.
حمد:لاتحاتينهم بطرشهم هم والشغاله بيت امايه الحينه.
(صوب سعيد وميثه فبيت ام ميثه):
سعيد:هههههههههههههه اونج عااد يعني تبغين اتبينين لي انج قاصه شعرج.
ميثه معصبه:هذا بدال ماتقولي كلمه حلوه يالس تحبطني!
سعيد:ماحبطتج والله بس بلاج جي يالسه اتناقزين شرات الخبله جدامي تبيني انتبه يعني؟
ميثه:…………..
سعيد:انزين حلو حلو والله.
ميثه:بس هاللي رمت عليه.
سعيد:هههههههههه شوو تبيني اسووي ايلس اصاارخ واناقز واصفق؟!
ميثه:سعييد عن المصااخه يعني,هذا يزاي سايره اكشخلك.
سعيد:قمر والله قمر,بدون ماتقصين شعرج وغيره,وبعدين تراني ماحب هالمفاجآت شاوريني قبل لتسوين شي فعمرج,لاني احبج انتي جي بدون ماتغيرين فعمرج.
ميثه وهي مستحيه:ان شاء الله.
(ام ميثه تدخل عليهم فجأه)
ام ميثه:هااا اجوفكم يالسين هني.
سعيد بابتسامه عريضه:هييه عمووه,يعني انشل قشنا ونظهر؟
ام ميثه:حشا فديتك,بس ماجوف فاولتك ولا صبتلك شي تشربه,آمر جاي ولا قهوة ولا شي بارد؟
سعيد:سلامة راسج عموه,بظهر الحينه.
ميثه:ويين سعيد؟توك ياي.
سعيد:بسير عندي شغله ويا خميس ربيعي فالوكاله.
ميثه وهي زعلانه:افففف.
سعيد:بييج باجر الصبح وبنظهر نتريق برع,يالله برمسج عقب فالتيلفون.
ميثه:انزين.
ام ميثه:الله يحفظك يا امي,سلم ع الاهل.
سعيد:يبلغ ان شاء الله,مع السلامه.
ام ميثه,ميثه:حياك الله.
(ام ميثه وهي اتسكر باب الصاله)
ام ميثه:انا كم مره قلت لج اثقلي اشوي,خليه يشتاقلج,بدال ما انتي لازقه فيه لزقه,عنبو باجر بيمل منج وبيشبع شوفتج.
ميثه:اماايه الحين هانا متى اشووفه,فالتيلفون قلتي وايد اترمسينه,وحتى يوم يشوفني قلتي لاتشوفينه,عنبو ريلي لازم بشوفه وبرمسه.
ام ميثه:انا بصرااحه تعبت وانا اعلمج,براايج.
(فغرفة نوره تتكلم فالتيلفون):
نوره:انزين حراام عليك يعني,الا توني من كم شهر متوظفه,اصبر عليه اشويه وعقب من عيوني بسوي اللي تبغيه.
راشد:لااا نوره,المعاش اللي تاخذينه بعطيج دبل عليه بس ايلسي فالبيت.
نوره وهي زعلانه:انزين بمل من يلسة البيت.
راشد:ليش بتملين؟تراج بتكملين دراسه ان شاء الله.
نوره:ان شاء الله خير,بس شرات ماقلت لك,المشروع اللي فراسي بسويه.
راشد:افا عليج من عيوني يالغاليه,تم,لحظه لحظه.
نوره:ها اشو بلاك؟
راشد:هههههههه خلص وقت المكالمه,واقفه ع راسي هالزعطووطه.
نوره:هههههه انزين عيل الغالي,اشووفك ع خير.
راشد:ان شاء الله,فمان الله.
ساره: هااا نوره,وشحالج بعد؟
نوره:هههه بخير دامج بخير.
ساره:ليش تضحكين؟
نوره:مااشي.
ساره:هههه ادري ليش ضحكتي,لاني شليت التيلفوون عن خطيبج العزيز,مااشي نحن قايلين له من قبل ماشي رمسه فوقت الخطووبه وعمووه شيخه موصتني ماخليه يرمس وياج واايد.
نوره:هههههه ادريبها امايه اوامرها صاارمه بعد.
ساره:ههههه حليلها عمووه.
نوره:انزين فديتج بخليج الحينه اسمحيلي,بيوننا ضيوف وانا لين الحينه مب لابسه ولا جاهزه.
ساره:اوكي حبيبتي,سلمي ع الاهل.
نوره:ان شاء الله حبيبتي,انتي بعد سلمي,مع السلامه.
(فغرفة ام حمد):
بو حمد:ام حمد انا بظهر الحينه عندي شغل ويا واحد من الربع,واذا تأخرت اليوم لاتتصلين فيني,لاني بكون مشغوول وايد اليوم.
ام حمد:ان شاء الله,بس عاد طمنني عليك بين فتره وفتره اتصلبي.
بو حمد:ان شاء الله.
(يفتح بو حمد الباب وعليا واقفه)
عليا:بسم الله.
بو حمد:شوو شايفه جني.
عليا:ههههه فديتك يالغالي,كنت توني بدق الباب وبظهرتك انت.
بو حمد:شوو عندج؟
عليا:لالا شغلي مع امايه يا ابي العزيز.
بو حمد:هيييه زيين,بس عاد دقي الباب لانها يالسه اتبدل.
عليا:هههههههه انزين.
عليا اتدق باب الحجره:امااااااااااااايه ترى تيلفوونج دق مرتين ومارديتي.
ام حمد:تعالي.
عليا:اندوج تيلفوونج.
ام حمد:منو متصل؟
عليا:اممم جنها خالو موزه وحمد.
ام حمد:هييه,اتصلي فموزه وعطيني التيلفون.
عليا:اندووج,عقب اتصلي فحمد ان خلصتي.
ام حمد:انزين,اظهري وصكي الباب وراج.
عليا:بل طرده.
ام حمد:الوووو هلا موزه.
موزه:هلا ام حمد,ترانا ضيعني البيت فديتج.
ام حمد:عيل لحظه بعطيج عليا اتدليج البيت.
(ام حمد تزقر عليا)
ام حمد:علياااااااا علياااا.
عليا:هاا امايه؟,توج الا طاردتني.
ام حمد:تعالي دلي خالو موزه ع البيت.
عليا وهي اتأشر بصبعها ع غرفة نووره:لااا امايه الله يخليج استحي عطي نوره.
ام حمد تهمس لعليا:ردي ع الحرمه.
عليا:احم انزين.
عليا:السلام عليكم,هلا خالوه.
موزه:هلا امي عليا,شحالج فديتج؟
عليا:بخير وعافيه الغاليه,انزين خالووه انتي وين الحينه؟………………………………
(صوب حمد وغاليه):
حمد:افففف امايه ماردت ع التيلفوون,بتصل فنوره.
غاليه:يمكن مشغوله ولاشي وانت تبلش اليهال وياها.
حمد يدق ع تيلفون نوره:الووووووو نوره.
نوره:هلا والله.
حمد:اهلين,اقوولج؟
نوره:هااا؟
حمد:بييب اليهال الحينه هم والشغاله لاني بظهر المستشفى ويا غاليه تعبانه,افتحي الباب وخليه مفتوح.
نوره:ماتشوف شر ان شاء الله,انزين ييبهم.
حمد:يالله عيل,بااي.
نوره:بااي.
غاليه:حمد والله مالي بارض مووول اسير.
حمد:غاليه خلاص عاد,ليش هذا كله؟الا هو دقايق وراجعين.
غاليه:انت مكبر الموضوع وهو بسيط.
حمد يطالع غاليه من طرف عينه:انتي اغلى شي عندي وماعندي شي اهم عنج عسب اهتم فيه اكثر عنج.
غاليه تنزل راسها مستحيه:………………
عمر:بابا ودنا الدكان.
حمد:بابا انثبر ايلس ويوم ارجع بوديك.
عمر:ماابا ابا الحينه.
حمد:اوووه لاتخليني اعصب,اسكت وانطب وايلس,قوول حق عمووه نوره بتعطيكم حلوياات عندها واايد فغرفتها.
خوله:لا عمووه نووره ماتعطي حلويات.
حمد:عيل عموه عليا عندها.
خوله:عموه عليا كله ماسكه كتابها وترسم.
حمد:عيل ارسمو وياها.
خوله:بابا انت اتقص علينا عشان اتوديننا بيت يدوه وانت وماما تظهروون.
غاليه:ههههههههههههههههههه عيب ماما.
حمد:بنت اللذين طلعتني جذاب.
غاليه:دوااك,تراك صدق يالس تجذب عليهم.
حمد:شسويبهم يعني؟طالعين ع امهم حنانين.
(فبيت ام حمد):
ام حمد:حيااكم حيااكم قربووو,يامرحباا والله.
موزه ام حميد:هلا شيخه,شحالج؟عساج بخير.
ام حمد:بخير وعافيه فديتج تفضلي,هلا غلا سميه,ويين هالقطاعه؟
سميه ام غانم:شو نسوي يا اختي مشغولين فالدنيا.
موزه:اي مشغولين,قولي انج انتي مستويه عيوز وعازله عمرج عن الناس.
سميه:شون سوي يا اختي بعد كبرنا مافينا شده نسير ونرد.
ام حمد:صدقج والله كبرنا وين فينا شده,هاااي انا حابسه عمري فالبيت موول ماظهر,وخاصه بعد وفاة المرحوم سيف.
موزه,سميه:الله يرحمه.
موزه:عيل نحن يايينج فموضوع,وان شاء الله بس ماترديننا.
ام حمد:آمروني.
سميه:نبغي عليا لغانم ولدي.
ام حمد منصدمه:هااا؟؟عليا؟,بس انتي مثل ماتعرفين عليا وغانم…………………….
هذا الجزء الاول للي مالحقو عليه..
واسمحولي ع التأخير مره ثانيه..
وتريوني فبارت يديد باجر..
نترياج باااااااجر
..^____________^..
وآآيد عيبتني آلقصهـ .. ضحكـ وضحكت ..
صيآح وصحت .. يآللآ عآد .. لآ تبطين
أتريآآآآآآآآآآآآآآآآآآآآآج …
سوري الغالية ما أقصد شي بس أحلى لم القصة تكون كاملة