شحالكم يا بنات , عساكم بخير وسهاله ؟
هذا اول موضوع لي فالمدونة , مع العلم اني متابعه ومتواجده يوميا بينكم
بس حسيت اني ابا افضفض لكم عن وضعي 
هممممم انا حاليا فـ رابع سنه فـ الجامعه
انخطبت من بعد الثانويه الين اليوم وااااايد وااايد
بس سبحان الله ما يصير نصيب
فالسابق كنت اتردد لصغر سني وبعدين ما كنت اقتنع بالخطاب
المهم ما علينـا من هذا كله
واحد من بين ها الخطاب كلهم , مسببلي ازمه عاطفيه وغريبه جدا !!
لا هو من اهلنا ولا هو من معارفنا ولا بينا اي علاقه !
خطبوني عن طريقه حرمه تعرفنا من بعيييييييييد دلتهم عليه
اول مره خطبني فيها كنت تووني ثانويه عامه
ابويه ردهم لاني بعدني صغيره وما يبا ايوزني هاذيج الفتره بدون حتى لا يسأل عنهم
طبعا الخطبه كانت مجرد اتصال من الام وردينا عليها بنفس الطريقه
ثاني مره خطبني انا كنت ثاني سنه جامعه ويوم سألنا عنهم وجيه
هم ناس زينين ومستواهم الاجتماعي والمادي ممتاز والولد كل حد مدح فيه
لكن طلعت لنا مشكله الاصل , وابويه وايد متشدد في ها الموضوع
فـ رديناهم للمره الثانيه وطبعا منعا للأحراج ما خبرناهم السبب
ثالث مره خطبني وهي المره الاخيره
كانت من سنه , وطبعا ردينا عليهم بالرفض بدون ذكر السبب الحقيقي
مجرد انه قلنا لهم ماشي نصيب
الحين السالفه الي محيرتني !
شووووووو الي مخلنهم يخطبوني ها الكثر ونحن رادينهم من البدايه
هم لا شافوني ولا يعرفوني ولا شي !
لدرجه ان اخويه شك اني اعرفه وان بينا علاقه هههههههههههه ولا شو بيخليه يسوم ويهه ها الكثر !
والله روحي مستغربه !!
وانا بصراحه بصراحه , واااااااااااايد مرتاحه واحس اني اباه !
مع اني ولاااااا مره فحياتي شفته ولا اعرف شكله ولا اييي شي عنه يدوب اسمه وكم معلومه بسيطه !
لكن احس بشعووور غريب فقلبي من اسمع طاريه بالذات !
مع اني انخطبت وايد ومن نااس احسن منه , لكن ما اكون متحمسه ولا مقتنعه
الا هذا بالذات , احس اني مرتاحه .. يا غير مشكله الاصل الي لو تنجلب الدنيا ابويه ما يرضى فيها ولا يقتنع !
السبب الي رد يثير الموضوع فقلبي
من فتره كنت فعرس ربيعتيه , ويت سلمت عليه حرمه وحضنتني جنها تعرفني
وانا كنت اول مره اشوفها ولا اعرفها منو هي !
بعدين اكتشفت انها امه ! وان وحده خبرتها اني انا فلانه
الحين الي اخاف منه انهم يردون يخطبوني للمره الرابعه
احس اني حبيته والله من دون لا اعرفه ولا يستوي شي
ومقهوووووره لاني اعرف ان النصيب مستحيييييييييييييييييييل
واكيد ابويه كـ العاده بيردهم
حبيت اني اسمع رايكن وشوركن
يمكن حد عنده راي او شي ممكن اسويه
ليلي ونهاري وانا افكر فيه جنه صدق بياخذني
ساعدوني وعطوني رايكم
وابوج حتى لو رففض اكيد عنده سبب ..
وانتي انسي السالفه.. تحبينه وجي.. لانج عقب يمكن تتعلقين بشي وهمي وتعرفين ابوج يشدد فسالفه الاصل عشان جي لاتحاولين او مجرد تفكيير تحبينه.. انتي بتتعذبين عقب
والله ييسر أمورج حبوبة ^^
واستغفري واااااااااااااااااااااااايد
وصلي قيام الليل داومي على هالصلاه
والله يرزقج ويرقني ويرزق جميع البنات الرياييل الصالحين يارب
قولي للبابا ~ انت ترظا اتزوج واحد له اصل وفصل واخر شي ما يحبني ويعذبني
وتمنع هذا الي تقدملي للمرة الرابعه حتى من الرؤية الشرعية
وقوليله عن حديث الرسول ~ وفهميه ان سالفة الاصل والفصل يمكن توصلج للعنوسة وجي
وطبعن بعدين يمكن اتحس بالندم وجي ~ وما اتجوف عيالي ~ وتحرمني من هالشي
لا تخلي سالفة الاصل والفصل هي الي تسيطر عليك
وهيكـ يعني يمكن يقتنع وجي ~