خواتي انا استغرب يوم اشوف انه معظمكم تتمنى تتزوج === يعني صدق الوحده تيلس تحاتي متى بتزوج و ليش لين الحين ما تزوجت او ليش محد تقدم لي او او او … انا اعرف انه الوحده تبا يكون عندها عيال تربيهم و تحن عليهم لكن صدقوني الي مجربه تناجي رب العالمين في الخلوات و تخشع في العباده و تتلذذ بها و الله انه ما بتيلس تحاتي هالاشياء الدنويه == طبعا هذا مب معناه انها ماراح تتزوج بالعكس عادي تتزوج و اتييب عيال صالحين و تقوم بواجبات الزوج و كل شيء لكن في نفس الوقت عندها شيء يغنيها على التفكير في هالاشياء لان صدق بالنسبه لها دقيقه تقضيها في العباده بخشوع احسن عندها من الدنيا ومافيها فيا خواتي عليكم بقيام الليل و قراءه القرآن بتدبر و الصلاه بطمأنينه مب اي شيء على السريع ويلا …. و اهم شيء الابتعاد عن المعاصي لانه رب العالمين يمهل لكن ما يهمل === يعني كيف انا ادعيه و في نفس الوقت اعصيه و الله الواحد يفكر فيها شوي بيشوف انه فعلا ما تركب === المهم انا عندي واايد كلام لكن الخلاصه انه نيلس نستغل اوقاتنا بالذكر بارك الله فيكم و لاحقين على باقي الاشياء وكفايه الوحده تتشكى من الوحده او العنوسه وما شابه لانه هالقسم صار كله هموم فخلونا نتفاءل و نبدى حياه مليئه بالطاعه وانا اذكر نفسي بهالشيء قبل لا اكتبه لكم == اللهم اجعلنا من الذاكرين كثيرا و الذاكرت
أدعوك أختي الكريمة لزيارة هذا الرابط
هي مب مسأله ليش و إستغراب
لكن مافي وحده ما تتمنى انها تكمل نصفها الثاني وتكون لها عايله
اعتقد هذا شعور كل انثى … مع اختلاف كل بنت ممكن تكون وحده جلطه في بالها ان الزواج هو كل شي وفي غيرها لي راضيه بالتأخير وما تفتكر
الاغلب يتأثرون من لي حواليهم ويبدون بالضغط عليهم بكثرة السؤال او التعليقات الجارحه .. ف ما نقدر نلوم حد ع تفكيره و عاللي يتمناه
لكن نحاول انا نطيب خاطرها ونعطيها دافع وانها اتم متفائله بان الله كريم و ان النصيب من الله
