شحالكم
راح نبدأ بأول سلسلة دروسي من اليوم
لاحظت في موضوع امنزلتنه الاخت ام شامخ عن ملابس ومكياج العيد ان معظمهم امفصلين ووردي وناوين يحطواسموكي وردي او عنابي …فقلت راح نحط هاللوك
توها اختي يايه من المدرسه سحبتها وقلت الها تعالي بشتغل عليج هههههه ياحليلها قالت اوكي بس انتي اشتغلي وانا برقد
اختي الصغنونه اخر العنقود …دلوعتي هذي الها معزه خاصه فقلبي فديتتتتهاااا
اتمنى الخطوات تكون واضحه ….وفالمرات القادمه راح تكون الطريقه اوضح باذن الله
(1 )
تجهيز الويه بالفاونديشن وهالامور كلها ….انا اشتغلت على عين وحده بس
( 2)
حطيت شادو مائي ابيض من كيرولاين على عظمة العين ومدمع العين
فجفن العين حطيت شادو اسود مائي من كيرولاين
(4)
فوق الشادو الاسود ثبته بشادوعنابي مطفي ( مات ) من ميك اب فور ايفر …وعطاني لون عنابي غامج مسود حلووو
(5)
حطيت لون فوشيا بين اللون الابيض والعنابي ودمجتهم ويى بعض
( 6 )
فوق اللون الابيض اللي فعظمة العين حطيت شادو لؤلؤي من كيرولاين وشوية لمعه لؤلؤية حتى فمدمع العين بعد
( 7)
حطيت كحل عنابي تحت العين بخط عريض شوي وفوقه كحلت العين من تحت من لانكوم ….ما غلقت الكحله صوب مدمع العين …لان شوي عينه صغيره هههه فديتها ففتحتها عشان تكبر شوي
( 8)
اخيرا
رسمت الحواجب من كيرولاين باللون البني الغامجج …وكحلت العين من داخل بكحل ازرق وحطيت الرموش *.*
B]"5"]
اسمحولي خواتي ادري التصوير رديئ والفلاش ماعرف شلون اضبطه …وياحليلها اختي توها يايه من المدرسه انا اشتغل عليها وهيه راقده خخخخخخخخ…. وكل شوي اتهدد بتسير ….ذلتني على هالكمن صوره
طبعا للناس اللي عندهم مساحه بين الحاجب والعين راح يطلع عليهم السموكي رهيب لان التدرجات تطلع واضحه …وخاصه اللي حواجبهم انرتبه وحلوه ونظيفه مو شرات اختي هههاي استفسار انا حاضره
اسمحولي عاد اشتغلت عليه وانا صايمه …مو مقتنعه فيه بس يفي بالغرض…ع الاقل الاساسيات تكون واضحه
دمتم بخير
شوشو
سلسلة الدروس هذي حصريه على سيدات الامارات وماحلل نقلها
الله يوفقج
نتريا دروسج اليايه
حبيت انزل شي قبل العيد
تسلموا فديييييييتكم
شوشو
عيني عليج بااارده 
وااااااااااايد رووووعه حبيبتي … و التصوير واااايد وااااااضح
ماشاء الله عليج
رووووعة درسج و سهل تطبيقه
موفقه حبيبتي …