شحالكن يا امهات؟؟
عزيزاتي انا صار لي مربية 4 شهور ونص ومايتني الدورة بس الاسبوع اللي طاف يتني…وانا ماريد احمل الحين…وابغي شي يمنع الحمل…لاتقولون لي المنع الطبيعي لانه مانسبني انا وريلي…
ابغي اخذ رايكن فالحبوب…اللولب…اللاصقة المانعه للحمل…منو جربت هالاشياء…انا انشالله بروح عند دكتورة بس بغيت اخذ رايكن قبل؟؟؟؟؟؟
مشكورة اختي سيخه ماقصرتي انتي الوحيدة اللي رديتي علي
نحن معتمدين ع الكبووت..
لين الحين الحمدلله الاموور طييبه..
احسن شي تسيرين عند دكتوووره..
المهم آخر شي استقريت على الحبوب "ياسمين" الدكتورة قالت لي وااايد زينة وما تنفخ ولأني ما أرضع ما تقدر توصف الحبوب الأخف لأنها بس للرضاعة (الصراحة كنت خايفة موووت منها بس إستخرت وارتحت ،،، والدكتورة قالت لي إذا ما عندج أي مشاكل من قبل في الرحم أو المبايض ما بتأثر عليج مول والحمد لله كل شي أوكي ،، وزيادة قالت لي جربيها 3 شهور وعطتني موعد عشان تسوي لي فحص كامل احتياطا وعشان أتطمن ،،،، والحمد لله للحين حاسة إني وايد مرتاحة عليها ) …
اللولب قالت مب زين للي أول مرة تولد لأن الرحم بعده يكون أقرب للبنت من الحرمة عشان جي إذا إنحط اللولب ممكن يسبب إلتهابات .. (مع إني كنت ناوية أحطه بس الدكتورة ما شجعتني موول).
واللصقات مدحتهم بس أنا شكيت في حكمهم ،، هل يصح الغسل إذا اللصقة تخلينها لمدة أسبوع ،،،، الصراحة ما فيني أيلس أشك في صلاتي ….
والمنع الطبيعي في إحتمال حمل كبير وأنا ما أبي أجازف أحمل وبنتي لها شهرين ونص …
إنتي جوفي دكتورتج وإسإليها شو اللي يناسبج وإن شاء الله تعطيج اللي يناسبج ….
انا اتصلت لدكتورة وقالت لي لازم اييها اول يوم فالدورة اليايه وانشالله خير