ادري الحين المتزوجات بيدخلون يشوفون شو نرمس من وراهم هههههه
>> فديتكم مب مشكله نرحب فيكم واذا حبيتن تشاركن تفضلن، ويمكن تستفيدون منا مثل ما نستفيد نحن منكم
نبدا في الموضوع بدون اي مقدمات طويله
انا فتاة عازبه ذات خلق ودين >> المطلوب ندور لج معرس مثلا!!! هههههه
انا بصراحة احس نوعا ما تعقدت، وبديت اقول بيني وبين نفسي ما ابا اعرس خلاص، مع ان انا مرتبطه بس مب خطبه رسميه، لكن خلاص برفض كل شي
ما ابا ابلتش بريال يخون ومشاكل وعوار راس خل جي عايشه حياتي..
صراحة مصايب الريايل وهمهم تخيلي الواحد يتعقد،، مثلا شوفوا هذا القسم
فوق 100 صفحة كل وحده كاتبه مشكله ويازوجها واكثر المشاكل الخيانه>> ما يملى عيونهم شي
انا مالوم الحريم لي يكتبون يحليلهم يطلعون الضيم لي فيهم ويفتحون قلوبهم لنا
بس انصدم لي ما كملت 6 شهور ولي شهرين وتكتشف الخيانه من ريلها، والله شي يقهر بصراحة
ندخل في صلب الموضوع
1- هل تحسين عمرج تعقدتي من المشاكل الزوجية"الخيانة" لي تسمعينها من الاخوات في المدونة او برع المدونة؟
2- شو اسباب الخيانة الزوجية من وجهه نظرج كعازبه؟
3- ماشي سوال ههه بس ناقشي هالموضوع وياي وضيفي لكلامي نقاط انا ما طرقت لها
ملاحظة: الموضوع لنقاش، وتقدرون تضيفون نصايح او قصص سمعتوها نستفيد نحن وتيستفيدون الاخوات المتزوجات
تقبلوا احترامي
بس يحليلهم ما يشتكون في النت مثل الحريم .. شورايكم نفتح منتدى ثاني للرياييل باسم (شبكة سادة الإمارات) ههههههه
يعني مب وااايد على حسب الصراحة وكل وحده و نصيبها
2- شو اسباب الخيانة الزوجية من وجهه نظرج كعازبه؟
اتوقع من ناحية الرجل هي الملل الفتور او عينه زايغة و الاهم من جي ضعف الوازع الديني … اما من ناحية المراة يمكن هي ما تهتم او اسلوبها يطفش الريال نكدية حنانة تييب عيال وا بعض و هو صدع من حشرتهم او الاهمال يعني
المشاركة الأصلية كتبت بواسطة دلوعه فزاع 
لا ما بي ما بي اعرس هههههههه،، امين وتسلمين لي ع الدعوه الحلوه
انا وياج ان نحن مب معصومين عن الغلط، بس هالايام نسبه الخيانه وايد
وبعد ياريت بعد فتره من الزواج، يحليهم بعضهم توهم متزوجات في بدايه حياتهم
وهالشي سبب الطلاق فالبلاد
خيانة الحرمه موجوده بس مب شرات الريايل ويمكن ريلها مقصر عليها ماديا>> لازم تدافع عن بنات جنسها ههههه
ومثل ما قلتي كل واحد ونصيبه، بس والله مشاكل تعقد بالواحد
وتسلمين الغلا على المرور الطيب