للمعلمات الجدد.. في الامارات

أنا أول وحدة برد
انا مدرسة تقنية معلومات
يوم خيروني بأي مدرسة اريد اتعين خيروني بين مدرسة ابتدائي و ثانوي و انا اخترت ابتدائي عسب ايكون اسهل علي يوم اتصلت اسأل قالولي انهم عينوني في مدرسة ثانوي جان انصدم
بصراحة وايد احاتي كيف بتعامل مع البنات و خاصة مراهقات اقل كلمة تجرحهم أو ايونج ملسونات

لا و خاصة التطنيز عاد حدث و لا حرج هاي شو فو شكلها ، مشيتها ، شنطتها ، ثيابها
الله يعيني

الله يعينج عزيزتي ويوفقج ان شاء الله
نصيحه لج في التعامل مع بنات الثانوية.. في البدايه لازم اتكونين وااااايد جادة يعني لا تسمحين لأي طالبه تتمادى معاج لأنهم يوم يشوفون مدرسة يديده يحاولون يستفزونها عشان ايعرفون شخصيتها.. وأبدا لا تقولين بصادقهم عشان أكسبهم لا في البداية شدي لين ما تكسبين احترامهم وبعدين أبدي ارخي معاهم شوي شوي وبعد بحدود.. لأن بنات هاذي الأيام ما يعرفون هاذي مدرسة وهاذي طالبه..
وعزيزتي اتعاملي مع الكل بنفس الطريقة لأن الاشاعات عندهم تنتشر بشكل كبير ويفسرون تصرفات المعلمات على كيفهم..

الله يعينج عزيزتي..
(حلو التعامل مع الطالبات بس بطريقتج مش طريقتهم)

والله انا نفسيتي جدا تعبانه وخايفه يحطوني في مدرسة اولاد .. احس بتعب واااااايد .. والله خاطري اعرف وين بعينوني .. مب راضين يقولون لين اول يوم في المدرسه واختي sense0001
بغيت اعرف كيف خبروج انت في اي مدرسه..
وشو رايكم يا معلمات يداد نفكر بفكره حلوه لاستقبال الطلبه والعام اليديد الي عندها افكار تشاركنا..

مشكورات خواتي عالمرور الطيب..
الله يعينا إن شاء الله..

الصراحة أنا بعد أحاتي المدرسة والمرحلة إلي بيعطوني ياها..
الله كريم..

الصراحة حابة أستفيد أكثر من ردود خواتي المدرسات اليداد..

غريبة خواتي كيف ما خبروكم وين بيحطونكن ..

أنا لما خلصت اوراق التعيين .. خبروني .. قلت لهم ابا مدرسة قريبة من بيتي .. والحمدلله طلعت المدرسة القريبة فيها خمس شواغر .. صح ثانوية .. بس الحمدلله .. المهم قريبة من البيت علشان لا اتاخر على عيالي ..

بالنسبة للمعنويات .. بصراحة متحمسة وايد بس ضايعة في حماسي .. ما اعرف كيف بدخل على البنات اول يوم . الله كريم ..

مشكورة أم السلطان على مرورج..
نحن ما خبرونا شي..
الله يعينا..