للخبيرات بالزواج والمتزوجات بالأخص ؟؟؟؟؟؟ رعاية الاطفال

صحتي كل يوم تتعب زياده وبدون سبب طبي

كل مشاكلي الهم والحزن

عايشه في ضروف صعبه بسبب زوجي

إلي تعود إنه ياخذ بدون ما يعطي كنت قبل لا أتزوج أحلم بالحياه إلي بعيشها وماكنت أعرف إنه زوجي بيعيشني مذلوله

مع عيالي أطلب الناس مثل الشحاته دست على نفسي وفريت المستحى وراي

ومديت إيدي عشان عيالي

والله من تزوجني ما فصلت ولا لبست لبس يديد من فلوسه

كله ألبس ملبوس لبس الناس وحتى عيالي دايم لبسهم ملبوس واللحمد لله ما أعترض

لأنهم يلبسون أحلى لبس من الناس وأهل الخير ما يقصرو بس والله قلبي يعورني عليهم وعلى حالي

كل ما خلص الحليب والبامبرز سرت أطلب من ربيعاتي ومن بنات النت

إلين متى بعيش في هالذل وهو يالس لا شغله ولا مشغله يدور الربوع والنصوص عشان يشتري بارد أو زجارا
ولما ما يحصل باع أي شي عنده المهم يدبر عمره وأنا وعياله آخر إهتماماته والمشكله إنه يعتقد إنه مش مقصر

وأنا ما أقوله شي ولا أطلب منه لأني أخاف منه وايد وخوفي هو إلي يخليني ألجأ للطلبه من الناس

بس ما أقوله

يارب ساعدني وسخرلي شخص يساعدني على حل مشكلتي

أنا أطلب من ربي يسخرلي بنت حلال تساعدني بحل وربي يجزيكم كل الخير

على فكره ريلي عليه ديون وايد وحالتنا الماديه سيئه بس ما قول غير الحمد لله