مرحبا بنات..انا حامل للمره الثالثه ولله الحمد…وابغي اللي ربت في الوصل تساعدني
انا في المرتين ربيت في الامريكي…الولاده كانت تمام الحمدلله بس العنايه اللي توقعتها بعد الولاده ارف ارف ارف…ومن كثر الناس اللي استوت تسيرلهم استوت الزحمه اخس عن الوصل…وفي اول حمل كنت اراجع في الامريكي و الوصل و استخير..واخر شي ربيت في الامريكي
هالمره افكر اسير الوصل بس خايفه من شي واحد وابا البنات اللي ربن في الوصل يطمنوني…
يوم تسيرين فيج الويع و بتربين…وين يدخلونج؟؟؟ شو النظام عندهم؟؟؟؟
في الامريكي اسير و على طول يعطوني حجرتي احط فيها اغراضي و عقب يودوني حجره الولاده اللي اكون فيها برووحي ولا اسمع صراخ حد ولا شي…والقابله وياي طوول الوقت…والدكتوره تيي كل شوي تجيك…وحزه الولاده تدخل الدكتوره واتم وياج لين تربين…
كيف النظام في الوصل؟؟؟؟
وشي ثاني
كيف حجر الفي اي بي؟؟؟ بسهوله تتحصل ولا؟؟؟؟؟ يستوي احجزها من قبل؟؟؟
يزاها الله خير اللي بتساعدني
؟؟؟؟؟؟؟؟؟؟؟
vip اللي فالوصل أحلى من vip الامريكي وعن الولادة ما أقدر أفيدج لأني مثلج كله الامريكي والحين محتاره مثلج ما أعرف وين أربي ، لكن اللي أعرفه نظام الامريكي يفرق عن نظام الوصل يعني ما يعطونج الغرفة أول ما توصلين لكن عقب ماتربين بالسلامة يودونج الغرفة .
ان شاالله تربين بالسلامه
مشكوره شهد على مرورج وردج والله يقومج بالسلامه وان شالله يفيدونا البنات
الغاليه يمدحون الوصل ويسد انها متوفره فيها كل شي واذا لا سمح الله استوت مضاعفات او شي مابيهملونج في هالنقطه نفس الخاص ..
وعن الفي اي بي انا اتصلت قبل فتره عشان احجز قالولي لازم تحجزين اول ماتفتحين عندنا ملف الحين مايصير وفي حاله وحده بس اذا حزة الولاده طلبتي منهم الغرفه وحصلولج شاغر بيعطونج ..
انا ناويه جي اسوي اعفس عليهم حزة الولاده بس ان شا ءالله يعطوني ^^"
مرحبا الغالية 000 الوصل الصراحة ترتيب ونظام ونظافة بس في الاونة الاخيرة اختربو عن كلام كثيرين 00 اول ما ايج الطلق اذا انتي واصلة بعد 4 او 6 سانتي على طول غرفة الولادة ويتمون وياج قابلتين بس تسمعين صريخ القسم ابكبرة 000 وحزت الولادة اتيج الدكتورة واتم عندج 00والبيبي ما يشلونة من عدالج طول الوقت عندج
انا اللي ماحبيته في الوصل انه يوم دخلوني غرفة الولاده عباره عن باب سحب وكل من هب ودب يدخلونه ماشي نظام مع اني قلت مابخبر حد يوم بربي وواستخبرت عمة اختي ( ام ريلها ) وماشالله جيش تيمعوا في المستشفى واستوت يووووووله مابعدها يوله ولاعت جبدي حتى تميت اصيح من الارف وحرجت على السستر وقلتلها لا ادخلين حد غير امي وريلي ويوم بغيت اربي اتخيلوا بس وقت الطلق خلاص الياهل يطلع دشت مرت عمي وجان اصرخ وافر اللحاف على ريولي ماشي نظاااااااااااااااااااام بس من دخلت ال vip ارتاااحت نفسيتي وتميت 3 ايام غييير راحه نفسيه ويوم ايون الناس انا في غرفه مجابلتنهم ويوم ابا ارظع اسكر الباب على الظيوف واتم بروحي في الغرفه