اشحالكم خواتي ؟
حبيباتي انا عندي مشكله .. وهاي المشكله اللي امدوخه راسي من يوم عرست لين الحين هي غرفتي …طبعا انا يالسه في بيت اهل ريلي من ثلاث سنوات وبكمل الاربع
انا وحده احب الديكور و ابداعات التصميم واحب اطلع على هالسوالف .. بس للاسف ما عندي الموهبه او جذه احس .. مع انه احيانا يوم اقترح على حد تغيير في غرفته او اضيف لمسه معينه ايقولون لي ما شالله عليج عندج خبره او موهبه .. والله ايسلمكم غرفتي مثل ال store كل ما ابي اعدلها اعميها زياده .. وخاصة الحين عقب ما ربيت ويتني بنت واغراضي زادت .. ماشي مكان تحطين به ريولج ..تعبت ومليت واحيانا ما ابي ادشها او حتى ارتبها .gif "12 (49)")
.. فلو سمحتوا خواتي العزيزات اتمدوني وتتحفوني باقتراحاتكم الحلوه .. شو اسوي في غرفتي؟ واذا في صور ايكون اقتراحج احلى و احلى .. ودمتم لي
السموحه
فخذت سرير حق ولد صغير ماياخذ مساحه .. ومايبت له كبت حاولت أحط ملابسه في درج كبير من الكبت الأساسي …
وإستحملت لين تحولنا في القسم .. غرفتين وصاله .. عقبال بيت العمر ..
بس حاولي ما تاخذين أثاث حق البيبي وايد ..
وإستفيدي من أدراج الكومدينو والتواليت …
حاولي إذا عندج المكتبه كبيره … اللي هي مالت التيلفزيون .. حطي فيها الحفاضات والسيريلاك والبسكوت والحليب .. إذا ما بيبين .. وألعابها ممكن تحطينها بصندوق حلوو وتخشيهن تحت الشبريه .. أو داخل الكبت وين صوب المعاليق …
وإذا بعد في أشياء ثانيه .. يمكن راحت عن باليييي .. ذكريني
من ضمن الي فيه مكان للثلاجه ومكان للتلفزيون دعسته داخل فيبين كأنه جزء من الكبت وجزء دروج لملابس عيال وعدال الدروج مكان للتعليق وبعد ضفت مكان فيه دروج كانه ستور صغير لحليب عيالي وشبسهم وكاكاوهم وهالسوالف وكلينكس الحمام والحجره وغيره وسويت ارفف من زجاج حطيت فيها اضاءات وتحف عشان مايبين الكبت مب حلو عدلته يعني والجزء الي فوق من الكبت للاغراض الكبيره الكفرات والمخدات والاشياء الي مااستعملها بشكل يومي وصج بعد تحت التعليق مال الاطفال سويت مكان للجواتي
وهذا كله في كبت واحد لطوفه وحده يعني مايحتاي توزعين مني الثلاجه ومني التلفزيون ومني الكبت وغيره