لكل حامل تعاني من الامساك لقيت دوا عجيب ^_^ لسلامتك

مرحبا بنات

انا جربت دوا للامساك وحبيت اخبركم عنه لاني ادري ان الامساك معاناه للحامل

وبصراحه الدوا لما شفته اول شي ما توقعت يعطي مفعوول بس اتفاجأت بنتايجه ماشاء الله على طوووول تبين يعني ربع ساعه نص ساعه وبترتاااااحين

اسمه Ortisan Fruit Cubes

وهو عباره عن مكعبات مثل الماجي بالضبط يعني عجينه وطعمها حلوو مثل التين بالضبط لانه مكون من التين والتمر الهندي وشي ثاني بعد يعني كل طبيعي

والتين معروف انه مفيد جدا للامساك وللحامل بشكل عام

وهذي صورته

بس عاد انا برا البلاد ومادري اذا موجود في البلاد ولا لا وبغيت اعرف منكم اذا ينباع هناك ولا لا لاني ناويه اشتري كميه من هني قبل ما ارجع البلاد ان شاء الله …

بنات بس حبيت انوه بس عشان البنات اللي قالوا انه يمكن بدون وصفه .. الدوا ما خذته مني والطريج لالالالا طبعا واكيد من عند الدكتور …عاد خاصه اني حملت بعد معانااااه وما صدقت احمل اكيد ماراح اروح واخذ اي دوا ^____^ فديتكم بس تسلمون على اهتمامكم وخوفكم علي ^_^

وصح بعد كل وحده لازم ما تاخذ اي دوا الا بعد استشارة طبيبها ولما يوصفه لكم لا تروحون عاد تاخذونه كل يوووووم …لا بس لما الحاله تكون خلاص مستعصييييه مثل حالتي…انا ما خذته الا بعد ما مر اسبوووع ما رحت فيه الحمام كرمتوا وبطني خلاص يعني كان رايح فيها فاتصلت بالمستشفى ووصفولي هالدوا العجيب والحمدلله ارتحت راحه ما بعدها راحه خخخخ

هذا ما يضر الحامل ؟؟؟؟

هل يضر الحوامل ولا لا ؟!! وانتي خذتي بوصفه ولا من عندج ؟؟

مو زين تاخذووووووووووووون اي شي ؟؟؟؟

بالحمل ؟؟

انا اذكر بنت عمي كانت تاخذه عشان تضعف

وهي تسوي رجيم

وبعدين يالغالية الحامل مب زين لها المسهلات جي جسمها مابيستفيد من الاكل عدل ولا البيبي

وهذا اللي يسبب الامساك للحوامل

وعليج بحبوب الحديد وبتسلمج من الامساك وبلا مسهلات احسن

خطر يمكنه عالحامل ونصيحه قبل ماتاخذينلك كميه كبيره تسألين الدكتوره أحسن ترا الحامل مايصير تاخذ أي شي بدون وصفه والله يسهل وايسر ولاداتنا أجمعين

يزاج الله خير