يسعد مســاكم صبــاحكم بــكل خير
خواتي بغيت اســالكم عن اعراض مرض التوحد
انا عندي ولدي الصغير اشوف فيه اعراض من اعراض التوحد بس خايفة ومتى اكتشفتي انه مصاب بالتوحد وين اي مركز وديتيها وشو الفحص الي سووه له
فياليت تســــــــاعدوني بأكون شــاكرة لكم وبدعيلـــكم
وياليت الي تدخل الموضوع ترفعه بدعوه
اسـال الله العظيم رب العرش الكريم ان يشفيه
8 زيارات ولا حتى دعوة صادقة في ظهر الغيب
بس انصحج تودينه أي مكان خاص بهالسوالف وافحصييه،،
وان شاااء الله يكون طبيعي وما فيه شي،،،
التوحد أعتقد يبين عقب السنتين – 3 سنين
تلاحظين ان التخاطب عند الياهل غير .. ما يسمع كلامج أو يسمع بس يطنش وولا جنه سمع
في حركات يتمون يعيدون فيها
اذا قلتي جملة اتم فـ بالهم ويعيدون فيها واااايد اتم فـ بالهم يعني
يعني يعيدون الكلام (أو حتى الحركات) لفترة طويلة
اتحسينهم فعالم روحهم مايخصهم فـ حد
حساسين بدرجة أكبر للصوت في منهم يكرهون الأصوات العالية
ممكن يكون التوحد في الياهل بدرجات .. يعني أحيانا يكون بسيط تلقين الياهل يستجيب لج مرات ومرات لا
وبالتعليم ممكن يتطور الياهل ويصير أحسن ^_^
سوي سيرج وبتلقين وايد عن الموضوع …
بالنسبة للمراكز .. عندج مركز دبي للتوحد .. ومركز دبي لذوي الاحتياجات الخاصة
هاللي أعرفهم وعندهم تقدرين تحصلين تقييم لحالة ولدج .. ممكن يقولون لو فيه توحد أو لا
جربي تتصلين وتستفسرين منهم عن التفاصيل ^_^
وانشالله ربي يعافيه ^_^