لــوك الكــــــــاراميـــــــــــــــل من "شوقي ذبحني" لصحة شعرك

اليوم يبتلكم درس شفته في أحد المواقع الأجنبيه وحبيت أترجمه لكم ..وايد بسيط وناعم ..للي يحبون النعومه ..

وأنا عن نفسي علطول قمت وجربته علي مع العدسات البنيه ..وطلع واااااااااو.. ينفع للطلعات النهاريه .

أتمنى يعجبكم .. ولا تنسون تدعونلي بالنجاح

بليز بنات أي وحده تبغي تنقل الموضوع بليز تكتب المصدر لأن الموضوع تعبت عليه

1- نحط البيس والفاونديشن ..والكونسيلر على العيون .

2- نملي فراغات الحواجب بواسطة شادو بني أو أسود..وطبعاً أنا أفضل البني لأنه طبيعي أكثر .

3-بواسطة فرشاة الشادو نحط شادو بني أو برونزي على كامل الجفن المتحرك وتحت الرموش السفليه

4- نخط قلم الكحل الأسود خط رفيع على الجفن العلوي وفوق الرموش العليا بالضبط .. ونفس الشي من تحت الرموش السفليه

5- نحط الكحل داخل العين ..ونتأكد ان ماشي فراغات

6-نمرر شويه من الشادو الأسود فوق الخط الي رسمناه بالكحل ..وبعدين نحاول ندمجهم بواسطة الفرشاه.

7-ما ننسى الماسكار السودا طبعاً اللي تكثف الرموش .. وأنا هني استخدمت بعد عاقصة الرموش .

8-نحدد الشفاه بمحدد لحمي طبيعي

9- ونملي الشفاه بقلم روج من نفس اللون .

10- ونحط الجلوس بلون الكاراميل

11-وآخر شي طبعاً نحط البلاشر البرونزي الطبيعي

وهذا الشكل النهائي للوك ..أتمنى يعجبكم