لحقوا علي… تطلقت من ريلي اللي أحبه لتربية الطفل

بسم الله الرحمن االرحيم
هلا بنات وحريم
ساعدوني يا بنات…تطلقت الشهر اللي طاف فكنت ما ادش المدونة واااااايد صابني حاله من هالشي..وعلى فكرة انا مالجة …اسمعوا واحكموا…انا ملجت شهر 3 والحمد لله كانت علاقتنا اوك وفجأه تغيروا علينا وخصوصا ريلي …لين شهر 7 وانتها كل شي امبينا …امه هي السبب (بس هو تسبقها)
كله ترمس امي وتلمح لها (اهي كانت وااااايد طيبة بس ما ادري شو استوى بها) وكانت تنغز امي باشياءات بس امي الغالية الله يحفضها تسكت عنها…..بس ما يازت كله تخبر ريلي أم حرمتك تقول جذا وجذا…والله كلام خريط والحبيب مصدق وانا كنت افهمة ان هالكلام غير صحيح..ادري بتقولون ليش ما خبرتي امج..كنت اخاف تستوي مشكلة كنت اخاف واااايد على علاقتنا …حتى كانت ترمسه عني وتقول له حرمتك ما تحمد ربها وحرمت بعمرها ما قالت لك شكرا(على الاشياء اللي كان ييبها)واهو مصدق ويهزبني كلالام وااااااااايد كان يقولي حتى كان يسبني سب ..لا حتى وصلت المواصيل ان يهددني بالطلاق بس انا كنت اهديه وافهمة لاني كنت احبة حب جنون.. والله يا بنات بتستغربون كل ها وانا ساكته لين ما كبرت المشاكل وطلق..والله صابتني حاله كله صياح …. ما بجذب طليقي كان يعطيني المصروف الشهري وكان يسمعني كلام حلو وسوالف حلوة وامنيات..ما قصر معاي… والله ياينات ما ادري شو اسوي وانا اكتب الحين والله اني اصيح احبه يا بنات …كيف انساه ما اروم ما اقدر كل يوم اتذكره واصيح بالرغم من كل هالشي اللي سواه …لا والشي اللي بتنصدمون منه انه كان يرمسني عن بنات وكان يذم هلي ..وانا ساااااااااااااااااااكته….اوكي الحين انتا اللي امبينا تدروووووووون شو سوا والله ما اقص عليكم راح وفضحني مع خلق الناس وراح يطلع عني اشاعات والبنت فيها وفيها…وانا عندي كلام اهوا قاله عن الناس بس سترت عليه وهلي ما خبريتهم حتى….قال كلام والله انه فيه مشاكل…بس والله طلع جذاب يرمس عني بين الناس وكلامه جذب بجذب انا ما اباه بشي بس ابا اعرف وين ضميرة وعقلة …بس ابا اعرف شو اسوي يا نبات عشان انساه ليومكم اصيح واتذكر الايام اللي امبينا..والله اني احبه وخاطري اعاتبه وارتاح..معقوله بنت تقول جذا وريلها قالها جذي..شو اسوي …حتى اني سمعت رمسه انه بيرد مب عشاني عشان الفلوس المهر والزهبه(على فكرة اهو ما عطانا المؤخر ونحن بنعطيه 40 اونه صلح)والله ما اعرف شو النيه ..انا اعرف ان الغلطه منه اهو برحه والطلاق بايده…واعرف انه لو كان يحبني ما طلقني….بنات ابا حل انساه والله اني تعبت …ادري اني سخيفة اصيح لواحد شراته بس ما ادري شو فيني..والله ما فيني دم ما احس الريال ما يباني وانا ذاله عمري ليش….وأنا في الواقع مستحيل ارد له بس غامضتني الايام الحلوة والسوالف بس كيف انساه..ترا اللي يبيعني ما اشريه..بس يوم اتذكره ما ادري اصيح ..ادري اني سخيفة بس الله كريم والله فوق والحمد لله على كل حال…
بنات بليز ساعدوني كيف اتخلص من وهمة..والله يسعدكم في دنياك ويوفجتكم ويا احبابكم..