لا غاب نورالشفق في (بوظبي)اطلعي..بوسط (لندن) ضياك ونوري بيته/ مشترياتي اللندنية حياكم لشعر ناعم

السلام عليكم ورحمة الله وبركاااته ..

اشحالكم حبوبااااات .. ابا اشوف ردودكم الحلوة .. ما ابا طماشة وشردة .. ترا تعبت في التصوير والتصغير والتظليل والتفتيح ( فيه صورة فتحت الوانها ) والكتابة والنشر … و.,…. و…. و,,,…:

هذي الله يسلمكم غريضاتي الموكياااجية من لندن … يا حي لندن وشوارعها وسكيكها والسلفردج وهاروودز والهايد بارك وكل بقعة فيها <<<<< أبا أسيييييييير متحرقصة متى السفرة الياية

بسم الله ..

العطووووور:

محبوب الجماهير تريش سيكسي نمبر 9
..

هذا عطر يديد نااازل الاسبوع الماضي .. قالت البياعة الخليجيين اشترووه بالدرازن .. الصراحة ريحته فخااامة على عووود .. وايي شرات دهن العود براد مدور تمسحين منه نقط

..

عطر ايلي نازل ليميتيد في لندن ما ادري بينزل عندنا والا لأ..

..

فيه بعد عطور اربياان وود .. هذي صورته وفيه وعود ووود .. ونواا دي نواا .. ما صورتهم .. لأن نفس شكل الكرتووونه .. على غير العرب ما شريت تاسكن ليذر .. ريحته تخنقني ..

..

الحين هجووووووووووووم على الميك أب..

أول شيء .. أي لاينر وشدو بيس آربان ديكاي .. ماركة محترمة موب موجودة عندنا آخذ منها ستووك لأني ما أضمن متى اقدر احصلهم مرة ثانية ..
الاي لاينر ريشته حلوة ولونه أسود فحمي وهو عندي أحسن من لانكوووم .. بس عااد يوم ما القاه ارد حق لانكوم ..
والبيس شدو هو أحسن بيس شدو عالميا .. ماخذ جوايز لين يوم الجوايز ويثبت الشدو كأحسن ما يكون ..

..

هذا عاااد الخباااال .. أرواج توم فورد .. جناااان .. كريمياات وثباتهم حلو .. توهم نازلين من شهر .. بس زعلت لأن فيه لون ( الأحمر الداكن هذا ) موب هو اللي أنا أباه .. البياعة لخبطت وحطت لي لون ما كنت أباه .. على فكرة اللون افتح شوي ع الطبيعة من الصورة ..

..

هذي الشنطة اباها من سنة وشي .. حاطتنها في الويش ليست ..اسمها ميك أب بلانر .. من تريش ماكفووي .. هذي حجمها وسط بالنسبة للانواع الموجودة .. حلوة اتييج فيها شرات مال الملف تركبين فيه قطع بلاستيك فيها الميك أب .. ما حطيت غير كريم أساس وبلاشر على برونز .. فلوسي خلصن كخخخ

المرة الياية باخذ بلاشرات وشدو وبودرة .. على فكرة الكريم ما ينفع يحط فيها لأنه ممكن يسيل ( ساح كريمي شوي بسبة الشحن ) .. وتحسفت ليش ما اشتريت لي كريم اساس من عندهم وكونسيلر

..

فيه بعد هالباليت من آربن ديكاااي بس نسيت أصوره فأخذت الصورة من الموقع مالهم

وأخيرا حبوب الفلفل الاحمر مال حرق السعرات الحرارية قبل الرياضة يعني موب حبوب ريجيم .. بس لازم أستعملها قبل النوم بست ساعات أعتقد وأسوي بعدها رياضة لأنها تعطي نشاااط للجسم

..