بدخل فالموضوع وبقوله بختصار وبغيت اراءكم فالسالفه اللي صارت من أسبوعين….
فرمضان وفي عزى يدي الله يرحمة شافتني حرمة تصير ربيعت خالوتي المهم هاي الحرمة خذت رقم أماية واتصلت فيها فنهاية رمضان اتقولها اني عيبتها وتباني حق ولدها وتبا تخطبني لولدها ،، أماية قالت للحرمة أجلي الموضوع لأن نحن بعدنا فعزى ومب وقتها هاي السالفه وإن شا الله عقب العيد بنتكلم فالموضوع وهاي فتره نسأل والبنت تستخير .
وخلص العيد وفعلاً أنا كنت دوم أستخير وبعد أهلي سألو عن الولد وردينا عليهم خبر إن نحن موافقين ونترياهم يوم السبت ايونا البيت لكن ؟؟؟؟؟؟؟؟؟؟؟؟؟؟؟
ولدهم أصر يكلمني علما بأنه شافني النظرة الشرعية في بيت خالوه ويلست وياه مع امايه وامه وخالوتي وسألني كم سؤال وأنا جاوبته
لكن هو تقريبا كان يتصل فأمايه ويقولها أنا أبا أشوفها مره ثانيه أو أكلمها أمايه قالت له يا ولدي ما يصير هالكلام ومافي أي شي رسمي صار عشان اتكلمها بنتي غريبة عليك وانا ما اقدر أخليك اتكلمها لكن اصراره خلاني أستغرب والله إنه يتصل فأمايه يمكن 4 مرات فاليوم ويحن عليها أبا أكلمها وأبا أكلمها وكله يتحجج إن في مواضيع أبا أتناقش وياها فيها قبل أي خطوه نخطيها …
بعدين أمايه قالت له خلاص ما أقدر أخليك اتشوفها لكن إذا تبا اتكلمها أتصلبي وانا بكون حذالها وكلمها لأني مابا أعطيك رقم تلفونها المهم أتصل فأمايه وعطتني تلفونها وظهرت عني لأنها كانت مشغوله
أول مابدى يتكلم معاي بدى بأسلوب غريب كله غزل كأن يعرفني ومتعود عليه بس انا تميت ساكته وكنت رسميه وايد معاه لأني بس بغيت اعرف شو هاي المواضيع اللي أذانا فيها وأسكر
وتم يسألني إنتي ليش جذه متعقده وجامده بأسلوبج المهم قلت له لو سمحت انا ماقدر اطول معاك بالكلام ممكن اتقولي شو المواضيع اللي تبا تناقشني فيها وما تبا اتقولها حق أهلي قالي أول شي انا ريال وايد اسافر بحكم شغلي وبعدين إذا سافرت أبا زوجتي أتكون معايه دايما قلت له حلو وين المشكله قالي أنا مابا زوجتي تلبس عباه قلت له مافي مشكله مابلبس عباه أهم شي حجابي ما اخليه وملابسي اتكون وسيعه ومتستره قالي لاااااا أنا زوجتي ماباها تلبس حتى حجاب وأبا إذا سافرنا اوروبا إتكون مثل الاوروبيات في اللبس اباها تلبس قصير وبناطلين وتفتح شعرها وتتعدل وحتى لو طلعنا البحر أو سرنا المسبح انا أباها تلبس بكيني……. وهو يكلمني حسيت كأنه حد صب عليه ماي بارد وللحظه قلت لنفسي لااااااا أكيد يختبرني ويبا يشوف ردة فعلي بس ما ترك لي مجال للشك لأنه قالي أشياء وايد والله إني أستحي أقولها ومنها أتأكدت إنه صادق بكل الل يباه سهر ومراقص ويبانا نكون فرند ومايبا عيال على قولته يبا يتهنى فحياته وفكر يتزوجني لأني طابقت معايير الجودة ماله طووول وجسم وشكل واونه أنا بعدين أحدد إذا بتضعفين وإلا بتمتنين وواااايد أشيا …. والله مصدوووووومه هو كان يكلمني وانا تميت ساكته لين خلص كلامه وسألني عن رايي وهل نحن مناسبين لبعض طبعا أنا كرهته وإستحقرته وحسيت فعلا إنه إنسان وضيع حرام أرد عليه وأفهمه الصح من الغلط هذه النوعيه الكلام ضايع معاهم وقلت له رايي بيقولك إياه أبويه وسكرت عنه وأنا كاره نفسي والتلفون حتى لأني سمعت صوته منه لهدرجه في ناس ما تخاف الله في عرضها وشرفها وين راحت الرجولة ووين الغيره ووين المبادئ اللي تربينا عليها وين الخوف من الله حسبي الله ونعم الوكيل
أترك لكم المجال للتعليق على السالفه ….. علما بأني قلت لبويه يتصل فيه ويقوله مالك نصيب عدنا وإنتهى الموضووع لكن اللي دار بينا أنا وهو في التلفون محد يدريبه غير الله سبحانه وأنا وهو والحينه إنتو خواتي …..
المشاركة الأصلية كتبت بواسطة مرت الوزير 
مشكورة الغالية على مرورج
وفعلا هذا اللي أنا سويته إني تركته من اجل ربي ورضاه و إن شا الله ربي يعوضني باللي أفضل منه ديناً وخلقاً …..
والله هاي من علامات يوم القيامة
يارب استر على بناتنا من هالفتن
إنا لله وإنا إليه راجعون هيك صارو الشباااااااااااااااااااااااااب؟؟؟؟؟؟؟؟؟؟؟؟؟؟
انت اللي عملتي صح وما حدا بيختلف عليه ومن ترك شئيا لله عوضه الله خيرا منه والحمدلله انه خبرك قبل الزواج وانتو بعدكم ببداية الطريق لان ربنا بحبك ورايد لك الخير …………..
اسال الله ان يرزقك زوجا صالحا تقيا يخاف الله فيك…….^ــ^
شو من الريايل هذااا !!!
من ترك شئ من أجل الله عوضه الله بأفضل منه
اسال الله ان يرزقك زوجا صالحا تقيا يخاف الله فيك