بنات أنا تعبأنه أنا حامل علي بداية الرابع وعندي ألم. وأيد يعور مثل ويع دوره بس من أمس لحد اليوم ودكتوره قالت كل شيء سليم بس كانت مثانتي متروسه. وسالتها عن تقلصات قالت ماشي. وخف علي ورجع علي مره ثانيه. بعد صلاة العشاء اليوم حتي ما قدرت أتعشي ويوم رحت أريح ما قدرت أنام من ويع وريلي يسار بدأت تعورني وأيد. تجمعوا في ألم واحد ؤخذت حبتين من سكونيبال. عشان ويع البطن _ أسألكن منوه مرت بهائ تجربه والله أني خائفه موت. وطمنوني دخيلكم. ردوا علي مب يايني نوم من ويع وخوف. وبليز لاتشوفون الموضوع وتطلعون أتركوا بصمتكم ولو بدعوه يزاكم الله ألف خير
الله يتمم حملج على خير حبيبتي
يمكن التهاب في البول سيري جيكي عند طبيبة ثانية والله يطمن قلبج
الله يجازيج. بلخير ويرزقج من رزقه طيب ويفرح قلبج
الزوجه الباره يزيج بلخير ويفرح قليبج ويحقق لج مناتج
انا كانت تيني ها الآلام قريب موعد دورتي وعقب عادي والحمد لله بخير
سيري باجر العياده وشوفي دكتوره وربي يثبت حملج ي رب