بنااات أنا وااايد محترااره وخايفه من هالموضوع ولا حد بيقدر يساعدني غير الله وثم أنتن
لان أكيد حد مر بتجربتي ,, وخاصة أني ماأعرف حد أقدر أخبره غييركن ..
أنا أتعالج عند دكتور وكان يعطيني منشطات للمبايض المهم مانجح الموضوع قالي بسوي لج (خبق المبايض يعني كي المبايض)
قال لي فكري وقرري .. لانه بسبب تكيس المبايض محتاجة كي وهذا ناجح وبيساعدتج ع الحمال بسرعه مستقبلا..
ألحين أنا محتاره وفكرت قلت هالشهر وقت الدورة باروح لوحدة تمسح وتسوي كاسات الهوى وبعدها أذا مافيه فايدة بسوي عملية الكي ..
أرجوكن شورن علي ولاتبخلن بالنصيح وخاصة ألي عندها خبره لان مالي ألا الله وثم أنتن ..
استغفر الله
استغفر الله
المفروض يعطيج ابر اذا ما نفع الحبوب ويعطيج ابرة تفجير
روحي عند حد ثاني الغلا
نصيحة لاتسوين… لاتسوين.. لاتسوين
كان ومازال عندي تكيسات شديدة على المبيضين.. ونصحتني د شارما في المركز الطبي الجديد بوظبي (سابقاً) بعملية كي المبايض عشان تحل مشكلتي.. لكن رفضت الفكرة.. وبعد فترة وانا اتردد عليها.. قالت انه العملية ماتفيد وايد سوت حق مريضات كثير ماستفادن
و د سوسن اللي في مركز نادية بوظبي قالت نفس الشي اول ماراجعتها انها احسن شي تسوي لي عملية كي (تثقيب المبايض) لأن حالتي شديدة فرفضت،،، بعد كم شهر قالت لي انها سوت حق وحدة لكن ماستفادت.. بعدين الدكتورة نفسها غيرت فكرتها عن هذي ا لعملية…
لكن مع متابعتي مع د سوسن وعلاجها بالإبر (بدون كلوميد،، رفضته لأن سار لجسمي مناعه منه من كثر ماخذته في السابق،، واذا خذته مايسير تبويض ابد حتى لو دمجت معاه الآبار)
المهم تعالجت مع د سوسن كم شهر بالإبر بس ومتابعة السونار (تقريباً ابرة يومياً من ثاني يوم دورة) في البداية ماشي استجابة،، شهرين خف التكيس،، بعدين راح التكيس وابتدى التبويض،، على كثر الآبار بويضة وحدة بس تطلع!! المهم استمريت وسار تبويض لكن مايسير حمل وهذي مشيئة رب العالمين..
يعني مع الاستمرار بالعلاج بالإبر اليومية بيخف بإذن الله التكيس ويسير عندج تبويض
أنا آخر شي لجئت لأطفال الأنابيب سويتها أربع مرات العملية.. والحمدلله عندي ولد والحين حامل بفضل رب العالمين وكلهم أطفال انابيب