كيكة شبكة العنكبوت.,,~ طبق اماراتي

السلام عليكم ورحمة الله وبركآته

مسآكم الله بالخير / صبآحكم نور وسرور

أول موضوع لي في قسم الطبخ / وإن شآء الله مب آخر موضوع

يبت لكم سويت سهل من عمل ايدي طريقته حلوة و طعمه جنآن

**أخليكم مع الطريقة بالصور :-

**المقآدير

3 دريم ويب

2 قشطة

فنجانين حليب مراعي

ملعقتين حليب بودره

1 كريم كراميل

4 كيري

بسكويت أولكر

بسكويت للتزين أو ويفر

**2**

أول شي نسوي خلطة الكريمة:

نحط 4 كيري 3 دريم ويب و2 قشطة وفنجانين حليب مراعي ملعقتين حليب بودره , 1 كريم كآرميل

**3**

نخلطهم عدل ونخليه على جنب

**4**

نييب صينية اللي بنسوي فيها الكيكة , نرص عليها طبقة السويسرول على الجوانب

نحط اللوكر أو الويفر , وسويسرول إذا تحبون .*

**5**

وبعدين انصب عليها نص الكريمة اللي خلطانهآ

**6**

وبعدين نرص عليها طبقة البسكويت , ولازم انغمسهآ بحليب أو بأي شي سائل

**7**

وفوق هالطبقة نحط طبقة سويسرول ^^

**8**

آخر خطوة انصب الكريمة الباجية , و نبدأ انزيها بعسل الكريم الكارميل أو بالهيرشي

**وهذه الكيكة جهزت و نحطهآ فالثلآجة

تــم بحمد الله ^^وهني وعافية عليكم

إن شآء الله تعجبكم وأي سؤآل أنا مستعده