![Salam Allah](images/smilies/salam_allah.gif)
قبل شوي مسويه كيكة الوردة الغرقااانه بالتوفي..
وسويتها بنكهة الأناناس.. وللحين فالثلاجه وأترياها تبرد..
وانتو كيفكم اذا تبونها بنكهة الأناناس ولا البرتقال ولا….الخ
أول شي بحط لكم صورتها عسب تشتهونها.. >> وغصب تسوونها ^_*
وأحين بعطيكم المقادير والطريقه بالتفصيييل الممل..
بس (( للأماانه )) حصلت الطريقه في النت بس بطعم البرتقال..
وأنا ماكان عندي عصير برتقال.. فاستبدلته بعصير الأناناس (( اللي اييج فالقوطي الاحمر مال الأناناس))..
المقادير
4 بيضات + فانيليا (( أنا حطيت السائل اللي بطعم الأناناس ))
كوب ونص سكر + نص كوب زيت + ملعقة طعام سمن
كوب عصير أناناس + ربع كوب حليب سائل
كوبين ونص طحين رقم1 + ملعقة طعام بيكنغ باودر
الطريقه
يخفق البيض + الفانيليا
يضاف إليه السكر + الزيت + السمن >> وتخفق..
يضاف عصير الأناناس + الحليب >> يخلط بالملعقة الخشبيه حتى يتجانس..
ثم يضاف الطحين + البيكنغ باودر >> ويخلط بالملعقة ثم بالخلاط..
التوفي
تحطين زبده + سكر في الجدر عالنار
تزيدينه قوطي قشطه + ربع قوطي حليب مركز
وتخلطينه لين مايتجانس وبسسس..
تدهنين الصينيه اللي فنصها فتحه وتدهنينها وترشينها بشوية طحين عشان ماتحترق وردتج ^_^
تصبين فيها خليط الكيك وتدخلينها الفرن تحت وبعدين فوق..
ويوم بتخلص تجلبينها شوي شوي في صينية التقديم وتصبرين عليها لين ماتبرد..
صبي عليها خليط التوفي.. والعبي عليها بالخاشوقه وزينيها >> شخطيها بالخاشوقه وخليها مثل الورده خخخ
رشيها ببودرة السكر الناعم..
وصبي سائل الكاكاو على شخطه وشخطه لاتصبين عليها >> وايد ماخذه راحتي فالرمسه خخخ
ودخليها الثلااجه عشان تبرد زياده..
هني وعاااافيه على جبودكم ^_^
جربيها وخبرينا
^_^