بنات باركن لي اليوم ختمت القرآن وبهذي المناسبة حبيت اني اسويلكن أحلى كيكه
بس للأمانه للحين ماذقتها لأن أذن الفجر وانا اسويها خخخ >>> تعرفن شغلي كله نص الليل ههههه
اسمها كيكة الفستق بالصووص
وان شااااء الله تعجبكم واشووف تطبيقكم ^^
بسم الله نبدأ
مقادير الكيكه :
2 ك طحين أبيض
1 م كبيره بيكنج بودر
1/2 ك حليب سائل
1/2 ك زيت
1 ك سكر
3 بيضات >>> انا حطيت 2 لأن ماشااء الله البيضه الوحده فيها صفارين
شوي فانيليا >>> ماكان عندي فانيليا بودره استخدمت السائله (عادي اهم شي تروح ريحة البيض)
قطرة من اللون الأخضر >>>> الي تستعملينه فالكريمه
مقادير الصوص :
1 ك حليب سائل
2 كيس دريم ويب
1 ك فستق مطحون على الخفيف مب ناعم
أول شي بنسوي الصووص وبنخليه على جنب
نضع جميع المكونات مع بعض ونخفقه بس >> واتركيها على جنب لين تبرد الكيكه بعد ماتستوي
الحين نرووح نسوي الكيكه ^^
1 – نضع فالخلاط البيض + الفانيليا + السكر >>> حتى يتكاثف
2 – الحليب + الزيت + قطرة اللون >>> على خليط البيض
3 – ننخل الطحين مع البيكنج بودر ونضعه على الخليط حتى يمتزج مع بعض واصبه فالصينيه (المدهونه بالزيت وارشها طحين شوي )
وهذي الكيكة بعد ما استوت
شكل الكيكه وعليها الصووص ونثرت عليها فستق مبشور
شكلها من الداخل
وهذي قطعة للي رح ترد واطبق الكيكه ^^
دعوة منكن تكفيني ^^
وإن شاء الله بحااول أطبقها
ويعطيييج العافية
بس حبيت اعرف الزيت والحليب نحط الربع
وفخاطري اجربها .
احسها لذييييييييييييييييييييييييييييذه