كيف نقنعه وفل حل حيادي ؟؟!! رعاية الاطفال

هلا خواتي

…………

ما بطول عليكم ..

اخوي عرس تاريخ 25/1/2017 وللحين حرمته ما حملت .. سارت عند دكتورة نسائيه وتشرب حبوب حاليا .. المهم قالو ما فيها عيب بس قالو لها لازم الريل يسوي فحص حيوانات منويه لنه اخوي قبل كم سنه سوا عمليه دوالي .. والمشكله هني

اخوي ما رضى طبعا حرمته تقوله .. بس هي قالت لي عسب نحصل حل وانا ادري وباين عليه يبغي عيال من كلمه ونظراته فـ كيف نقنعه عسب نطمن ونعرف هل له داعي للعلاج !!

وسمعت ن جهاز ينباع فالصيدليات حق الازواج يحسب عدد الحيوانات المنويه ويعطينا النتيجه .. فهل تعرفون اسمه او من وين اخذه ؟؟

يزاكن الله خير

بعدهم معاريس..وباذن الله رب العالمين بيرزقهم..مافي خوف اذا هم بعدهم ماكملو سنه..بعد السنه اتراجع هي وياه..
حبيبتي بالنسبه لي انا استحي اقول لريلي سير افحص..مادري انا احس ان مب حلوة فحقه ولافحقي انا بعد..
يمكن يتضايج ويتنرفز..من الافضل اذا راحت اتراجع الدكتوره بنفسها اتقوله..وبهالطريقه يمكن يتفهم الموضوع..
بعدين الريال للحين معرس..يعني بعده يمكن مامفكر فالابوه من الحين..بعد مايشبع بيمل وبيقول ابا عيال..
الله يرزقهم الذريه الصالحه..

حبوبه

قبل كل شي هم بعدهم معاريس
وحرام تبدا تاخذ علاج وهي بعدها ما كملت السنه

وها من كلام الاطباء

وبعدين ماينفع تقولون له جي
لانه الرياييل ما يقتنعون وصعب عليهم هالموضوع

وافضل شي انه هو يروح معاها لدكتور عسب يقنعه

وانصحج بالدكتور وليد لانه يعالج الزوجه والزوج

وربي يرزقهم الذريه الصالحه يارب

اذا عندج حل عطيني
لاني انا بعد اريد اقنع ريلي

اتقول له انه بنسير في السر واهلك ما بيعرفون ….. وفعلا مافي داعي انها اتخبر ها المواضيع للكل يعني ها الشي مفروض يكون بينه وبينها بسسسسسسسسسسسسسس

انزين تو الناس عليهم .. ليش تاخذ ادوية من الحين

الله يرزقهم بالذرية الصالحة ان شاء الله

الغالية ما في داعي تقولين للحين ما حملت… حسستيني أن صار لهم سنين
تو الناس عليهم
وبعدين اذا صج أخوج يبا يهال بيروح يفحص بدون محد يكلمه ويقنعه
ليش تعورون راسكم
وبعدين كل الرياييل يفحصون ما فيها شي…ليش هو مكبر السالفه
ليش هو غير عن حرمته مسكينه تروح تفحص وتتكشف على الدكتوره ويعورنها
هو مب مطلوب منه غير عينه…